ডিব্ৰুগড়, 19 ডিচেম্বৰ:উত্তৰ-পূব সীমান্ত ৰে'লৱেৰ অধীনত ডিব্ৰুগড় আৰু হাওৰাৰ মাজত চলাচল আৰম্ভ হ'ব চাৰিখনকৈ বিশেষ ৰে'লৰ ৷ এখন ৰে'লৰ চলাচল দৈনিকভাৱে শিলচৰ আৰু গুৱাহাটীৰ মাজেৰে আৰম্ভ হ'ব ৷ যাত্ৰীৰ ভিৰ নিয়ন্ত্ৰণৰ বাবে উত্তৰ -পূব ৰে'লৱেয়ে চাৰিওখন ৰে'ল চলাচলৰ সিদ্ধান্ত লৈছে ৷ ইয়াৰে দুখন ৰে'ল বগীবিল দলং হৈ আৰু বাকী দুখন গুৱাহাটী হৈ যাব ৷ অতিৰিক্ত এখন দৈনিক ৰে'ল 24 ডিচেম্বৰৰ পৰা পৰা শিলচৰ আৰু গুৱাহাটীৰ মাজত চলাচল কৰিব ৷
27 ডিচেম্বৰৰ পৰা ডিব্ৰুগড় -হাওৰা এক্সপ্ৰেছ বগীবিল ৰে'ল নং 05962/05961 এ 23:55 বজাত বৃহস্পতিবাৰ আৰু দেওবাৰে ডিব্ৰুগড়ৰ পৰা প্ৰস্থান কৰিব আৰু 28 তাৰিখৰ পৰা হাওৰাৰ পৰা সোমবাৰ আৰু শুকুৰবাৰে 18:00 বজাত প্ৰস্থান কৰিব ৷ ৰে'লখন বগীবিলেৰে চলাচল কৰিব আৰু ধেমাজি, উত্তৰ লখিমপুৰ, হাৰমতী, বিশ্বনাথ চাৰিআলি, উত্তৰ ৰঙাপৰা, ওদালগুৰি, টংলা, ৰঙিয়া, নলবাৰী, টিহু, পাঠশালা, বৰপেটা ৰোড, সৰভোগ, বঙাইগাঁও, নিউ বঙাইগাঁও, কোকৰাঝাৰ, ফকিৰাগ্ৰাম, কামাখ্যাগুৰি, নিউ আলিপুৰদুৱাৰ, নিউ কোচবিহাৰ, ফেলাকটা ধূপগুৰি, নিউ মাইনাগুৰি, জলপাইগুৰি, আলুবাৰী ৰোড, কৃষ্ণাগঞ্জ, হৰিচন্দ্ৰপুৰ, মালডহ টাউন, নিউ ফৰকা, ঢুলীয়াগংগা, নিমিটা, জংগীপুৰ ৰোড, আজিমগঞ্জ, খাগৰাঘাট চালাৰ, কাটৱা, নবদীপ, ধাম অম্বিকা, কালনা আৰু বান্দেল আদিত ৰ'ব ৷
ডিব্ৰুগড়--হাওৰা এক্সপ্ৰেছ ৰে'ল নং 05960/05959 ডিব্ৰুগড়ৰৰ পৰা 18-40 বজাত গুৱাহাটীয়েদি সপ্তাহৰ বৃহস্পতিবাৰ আৰু দেওবাৰৰ বাহিৰে বাকী পাঁচ দিনত চলাচল কৰিব আৰু এই প্ৰক্ৰিয়া 26 তাৰিখৰ পৰা আৰম্ভ হ'ব ৷ পুনৰ হাওৰাৰ পৰা 18:00 বজাত 29 তাৰিখৰ পৰা সোমবাৰ আৰু শুকুৰবাৰৰ বাহিৰে বাকী দিনকেইটাত প্ৰস্থান কৰিব ৷ ৰে'লখন গুৱাহাটীৰে যাব আৰু নিউ তিনিচুকীয়া, দুলীয়াজান,নাহৰকটীয়া, নামৰূপ, ভজো, শিমলুগুৰি, আমগুৰি, মৰিয়নী, ফৰকাটিং , বৰপথাৰ, সৰুপথাৰ, ডিমাপুৰ, ডিফু, লামডিং, লংকা হোজাই, চাপৰমুখ, গুৱাহাটী কামাখ্যা, ৰঙিয়া, নলবাৰী, টিহু পাঠশালা, বৰপেটাৰোড, সৰভোগ, বঙাইগাঁও, নিউ বঙাইগাঁও, কোকৰাঝাৰ, ফকিৰাগ্ৰাম, কামাখ্যাগুৰি নিউ আলিপুৰদুৱাৰ,নিউ কোচবিহাৰ, ফালাকটা ধূপগুৰি, নিউ মাইনাগুৰি, জলপাইগুৰি, আলুবাৰী ৰোড, কৃষ্ণাগঞ্জ, হৰিচন্দ্ৰপুৰ, মালডহ টাউন নিউ, ফৰকা, ঢুলীয়া গংগা নিমতিতা, জংগীয়াপুৰ আজিমগঞ্জ, খাঘাৰাঘাট চালাৰ, কাটৱা, নবদীপ, ধাম অম্বিকা, কালনা আৰু বান্দেলত ৰ'ব ৷