ধুবুৰী, ১৪মাৰ্চ: ধুবুৰী, ১৪মাৰ্চ: বৃহস্পতিবাৰে ধুবুৰীৰ ফলিমাৰীত সংঘটিত হয় এক ভয়ংকৰ দুৰ্ঘটনা । জিলাখনৰ ফলিমাৰীত থকা একমাত্ৰ কাঠৰ দলং খনৰ একাংশ ভাঙি তললৈ সৰি পৰে এখন মিনি মালবাহী ট্ৰাক । বৃহস্পতিবাৰৰ বিয়লি ভাগত সংঘটিত হোৱা এই ঘটনাত কোনো লোক হতাহত হোৱা নাই যদিও এই ঘটনাক কেন্দ্ৰ কৰি অঞ্চলবাসী উত্তেজিত হৈ পৰে । উত্তেজিত ৰাইজে দলংখন অতি সোনকালে মেৰামতি কৰাৰ দাবীত জিলাখনৰ একাংশ পথ অৱৰোধ কৰি গড়কাপ্তানী বিভাগসহ বিভাগীয় মন্ত্ৰীগৰাকীৰ বিৰুদ্ধেও বিভিন্ন প্ৰতিবাদী শ্লোগানেৰে প্ৰতিবাদ সাব্যস্ত কৰে । ইফালে, অৱৰোধস্থলীত ধুবুৰী চক্ৰ বিষয়া জয় শৰ্মাই উপস্থিত হৈ প্ৰতিবাদকাৰীসকলক যুদ্ধকালীন ক্ষিপ্ৰতাৰে এক বিকল্প পথ নিৰ্মাণ কৰাৰ প্ৰতিশ্ৰুতি দিয়ে ।
ধুবুৰীত কাঠৰ দলং ভাঙি তললৈ সৰি পৰিল মিনি মালৱাহী ট্ৰাক