ধুবুৰী,13 ফেব্ৰুৱাৰীঃ ধুবুৰীৰ বি.এন কলেজ নগৰ আৰক্ষীয়ে এক গোপন তথ্যৰ ভিত্তিত বৃহস্পতিবাৰে পুৱা এক অভিযান চলায় ধুবুৰীৰ আম বাগান অঞ্চলত । আৰক্ষীৰ অভিযানত বৃহৎ পৰিমাণৰ নিচাজাতীয় কফ চিৰাপসহ এজন সৰবৰাহকাৰীক গ্ৰেপ্তাৰ ।
মহিদুল জামান নামৰ আৰক্ষী বিষয়াৰ নেতৃত্বত চলা অভিযান কালত প্ৰথমে জব্দ হয় AS17J-2462 আৰু AS17-5428 নম্বৰৰ দুখন মটৰ চাইকেল ৷ জব্দ কৰা মটৰ চাইকেল দুখনৰ পৰা বৃহৎ পৰিমাণৰ নিচাজাতীয় কফ চিৰাপ আৰু টেবলেট জব্দ কৰিবলৈ সক্ষম হয় আৰক্ষীয়ে ৷ নিচাজাতীয় সামগ্ৰীৰে সৈতে জড়িত থকা ৰস্তম আলী নামৰ এজন যুৱকক আটক কৰে আৰক্ষীয়ে ৷ ইফালে ইয়াৰ লগত জড়িত বাকী দুজন যুৱক পলাই সাৰিবলৈ সক্ষম হয় । অৱশ্যে ধৃত যুৱকজনৰ বিৰুদ্ধে আৰক্ষীয়ে এক গোচৰ পঞ্জীয়ন কৰি তদন্ত আৰম্ভ কৰাৰ লগতে ইয়াৰ বিৰুদ্ধে আৰু অধিক অভিযান চলিব বুলি উল্লেখ কৰে ৷
লগতে পঢ়কঃপ্ৰৱল ইচ্ছাশক্তিৰে অসাধ্য সাধন কৰা এজন ব্যক্তি
