গোলোকগঞ্জ,27 মেঃ লোকসভা নিৰ্বাচনৰ ফলাফল ঘোষণা হোৱাৰ পাচতে জ্বলিছে অসম-বংগ সীমান্ত ৷ এটাৰ পিচত আন এটা তৃণমূল কংগ্ৰেছৰ কাৰ্যালয়ত উদ্ধাৰ হৈছে বোমা,যাঠি,জোং ইত্যাদি ৷ দেওবাৰে কোচবিহাৰ লোকসভা সমষ্টিৰ অসম বংগ সীমান্তৰ তৃণমূল কংগ্ৰেছৰ এটা কাৰ্যালয়ত বৃহৎ পৰিমাণৰ চোকা অস্ত্ৰ উদ্ধাৰ হোৱাৰ পাচতে সোমবাৰে পুনৰ ছাগলীয়াৰ সমীপৰ বক্সিৰহাটৰ আন এটা কাৰ্যালয়ত উদ্ধাৰ হ'ল বৃহৎ পৰিমাণৰ হস্তনিৰ্মিত বোমা ৷ গোপন খবৰৰ ভিত্তিত আজি স্থানীয় ৰাইজৰ লগতে বিজেপি কৰ্মী সকলে কাৰ্যালয়টোত চলোৱা অভিযানত কাৰ্যালয়ৰ বাহিৰত হাতে বনোৱা চাৰিটা বোমাৰ লগতে মোনাৰ ভিতৰত উদ্ধাৰ হয় শতাধিক সৰু বৰ বোমা ৷ লগতে কাৰ্যালয়টোৰ পৰা উদ্ধাৰ হয় বহু পৰিমাণৰ যাঠি,জোং ৷
ৰাজনৈতিক দলৰ কাৰ্যালয়ত উদ্ধাৰ হস্তনিৰ্মিত বোমা