জোনাইত তীব্ৰ খাদ্য সংকট,হাহাকাৰ পৰিস্থিতি বানাক্ৰান্তৰ মাজত

বিভিন্ন দল সংগঠনৰ লগতে অসম জাতীয়তাবাদী যুৱ ছাত্ৰ পৰিষদৰ জোনাই আঞ্চলিক সমিতিৰয়ে প্ৰায় ৪০০ টা বানাক্ৰান্ত পৰিয়ালৰ মাজত বিতৰণ কৰে চিৰা,খোৱা পানী,বিস্কুট,চাবোন,মমবাতি,কাপোৰ আদি প্ৰয়োজনীয় সামগ্ৰী ৷

ধেমাজি,১৮ জুলাইঃ জোনাইত এতিয়াও স্বাভাৱিক অৱস্থালৈ ঘুৰি অহা নাই বান পৰিস্থিতি । তীব্ৰ খাদ্য সংকটত পৰিছে সমগ্ৰ জোনাইৰ বানাক্ৰান্ত লোকসকল।

ধেমাজি জিলাৰ জোনাইত আজিও উন্নত হোৱা নাই বান পৰিস্থিতি ৷ চিয়াং নদীৰ বানৰ কৱলত পৰা জোনাইৰ ১নং ৰাভা কাঠনি,২ নং ৰাভা কাঠনি, সোনোৱাল কাঠনি,চুতীয়া চুক,মালভোগ,উৰাং,মুদৈ দেবেৰা আদিকে ধৰি কেইবাখনো গাঁৱৰ শ শ পৰিয়ালৰ ঘৰ বাৰী আজিও বুৰ গৈ আছে পানীৰ তলত ৷ বানতআৱদ্ধ হৈ আছে শ শ পৰিয়াল। মথাউৰিতে শিবিৰ পাতি আশ্ৰয় লৈ আছে যদিও বানাক্ৰান্ত লোকসকলৰ মাজত দেখা দিছে তীব্ৰ খাদ্য সংকটে ৷ এমুঠি অন্ন আৰু খোৱা পানীৰ সংকটত কণ কণ শিশুৰ পৰা বৃদ্ধলৈ ৷ বিভিন্ন দল সংগঠনৰ লগতে অসম জাতীয়তাবাদী যুৱ ছাত্ৰ পৰিষদ জোনাই আঞ্চলিক সমিতিৰ কৰ্মীয়ে প্ৰায় ৪০০টা পৰিয়ালৰ মাজত বিতৰণ কৰে চিৰা,খোৱা পানী,বিস্কুট,চাবোন,মমবাতি,কাপোৰ আদি প্ৰয়োজনীয় সামগ্ৰী ৷

অসম জাতীয়তাবাদী যুৱ ছাত্ৰ পৰিষদ জোনাই আঞ্চলিক সমিতিৰ এই বান সাহায্য পদক্ষেপক বানাক্ৰান্ত লোক সকলৰ লগতে ৰাইজে প্ৰশংসা কৰিছে ।

লগতে আন এটা বাতৰি - বকোত বিধায়িকা নন্দিতাৰ বান সাহায্য