বঙাইগাঁৱত ধুমুহাত ব্যাপক ক্ষতিসাধন

ধুমুহাত বঙাইগাঁও জিলাৰ বৰছৰাত ব‍্যাপক ক্ষয় ক্ষতি । প্ৰচণ্ড ধুমুহাৰ বাবেই বঙাইগাঁৱত বিধস্ত কেইবাটাও বাসগৃহ ।

চিৰাং, ১৭ মে': বঙাইগাও জিলাৰ অন্তৰ্গত বৰছৰাত ধুমুহায়ে বিধস্ত কৰিলে ঘৰ দুৱাৰ ৷ বঙাইগাঁও জিলাৰ বিদ‍্যাপুৰৰ পৰা বাসুগাঁওলৈ বৃহৎ অঞ্চলত ব‍্যাপক ক্ষতি সাধন হৈছে ধুমুহাত । ব্যাহত হৈ পৰিছে বিদ্যুৎ সেৱা । প্ৰচণ্ড ধুমুহাৰ বাবেই বহু লোকৰ বাসগৃহৰ ওপৰত গছ বাগৰি পৰাৰ ফলত বিধস্ত হয় কেইবাটাও বাসগৃহ । ক্ৰমে নিৰ্মালী বৰুৱা, বিজয় দাস,নলিতা দাস, নিলম দাস,নমিতা দাস তথা অন‍্যান‍্য কেইবাজনো ব্য়ক্তিৰ ঘৰ-দুৱাৰ ধ্বংশ হয় ধুমুহাত ।

পূৰ্বেই লক ডাউনৰ বাবে কৰ্মহীন তথা আৰ্থিক সংকটত ভোগা এই সকল দৰিদ্ৰ কৃষকৰ গৃহ ধুমুহাই ক্ষতিগ্ৰস্ত কৰাত ঘৰ পুনৰ নিৰ্মাণৰ বাবে চৰকাৰৰ ওচৰত সহায়ৰ হাত বিচাৰিছে ।