জুইৰ লেলিহান শিখাত ভষ্মীভূত কৃষকৰ ঘৰ

জুইৰ লেলিহান শিখাত সম্পূৰ্ণৰূপে ভস্মীভূত চিৰাঙৰ এগৰাকী কৃষকৰ ঘৰ ৷ প্ৰয়োজনীয় নথি পত্ৰৰ লগতে জুইত জাহ গ'ল খেতিৰ ধান ৷ ৰন্ধন গেছৰ চিলিণ্ডাৰ বিস্ফোৰণ হৈ এই অগ্নিকাণ্ড সংঘটিত হয় ৷

চিৰাঙ, 28 নৱেম্বৰ:ৰন্ধন গেছৰ চিলিণ্ডাৰ বিস্ফোৰণ ঘটি সম্পূৰ্ণৰূপে জুইত জাহ গ'ল চিৰাঙৰ এগৰাকী কৃষকৰ ঘৰ ৷ চিৰাঙৰ বিজনীৰ বড়োবাজাৰৰ কলীয়াগাঁৱত এই ভয়ংকৰ অগ্নিকাণ্ড সংঘটিত হৈছে ৷ বিজনী থানাৰ অন্তৰ্গত বড়োবাজাৰ কলীয়াগাঁৱৰ পৰিমল বিশ্বাসৰ ঘৰত সংঘটিত হোৱা এই অগ্নিকাণ্ডত সম্পূৰ্ণৰূপে ভস্মীভূত হয় কৃষক গৰাকীৰ ঘৰ । অৱশ্যে এই অগ্নিকাণ্ডৰ ফলত এতিয়ালৈকে কোনো লোক হতাহতি হোৱাৰ খবৰ পোৱা নাই ৷

জুইয়ে সমগ্ৰ ঘৰটো আগুৰি ধৰাত অন্যান্য সামগ্ৰীৰ লগতে খেতি কৰি চপোৱা ধানো সম্পূৰ্ণৰূপে জুইত জাহ যায় ৷ বিশ্বাসে জানিবলৈ দিয়া মতে অগ্নিকাণ্ডটো সংঘটিত হোৱাৰ ফলত প্ৰায় দহ বিঘা মাটিৰ প্ৰায় 100 মোন ধান ভস্মীভূত হৈছে ৷

জুইত জাহ গ'ল খেতিৰ ধান

জুইৰ লেলিহান শিখাই ঘৰ সম্পূৰ্ণৰূপে আগুৰি ধৰাত খেতিয়ক গৰাকীৰ সন্তানৰ গুৰুত্বপূৰ্ণ নথি পত্ৰৰ লগতে নগদ চাৰি হাজাৰ টকা সহ টিভি আদিও জুইত জাহ যায় বুলি বিশ্বাসে জানিবলৈ দিয়ে ৷ ঘৰৰ সকলো লোক পথাৰলৈ খেতিৰ কামত ওলাই যোৱাৰ পাছতে উক্ত ঘটনাটো সংঘটিত হয় ৷

অন্যান্য সামগ্ৰীৰ লগতে সন্তানৰ গুৰুত্বপূৰ্ণ নথি পত্ৰ জুইত জাহ

আৰক্ষী আৰু অগ্নি নিৰ্বাপক বাহিনীৰ লোক উপস্থিত হৈ জুইকুৰা নুমুৱাবলৈ সক্ষম হয় যদিও জুইৰ লেলিহান শিখাত পলকতে ঘৰখনৰ সকলো সম্পত্তি জ্বলি শেষ হয় ৷
লগতে পঢ়ক:আঘোণৰ পথাৰত চিনাকী দাৱনীজনী নাইকিয়া হোৱাৰ পথত...