আজি শিলচৰৰ বিজয় সংকল্প সমাৰোহত অংশগ্ৰহণ কৰিব জে পি নাড্ডাই

আজি শিলচৰত বিজেপিৰ বিজয় সংকল্প সমাৰোহত অংশগ্ৰহণ কৰিব বিজেপিৰ ৰাষ্ট্ৰীয় সভাপতি জে পি নাড্ডাই । এই সমাৰোহত নাড্ডাৰ লগতে উপস্থিত থাকিব মুখ্যমন্ত্ৰী সৰ্বানন্দ সোণোৱাল, ৰঞ্জিত দাস, হিমন্ত বিশ্ব শৰ্মা ৷

শিলচৰ,11 জানুৱাৰী: আজি শিলচৰত বিজেপিৰ বিজয় সংকল্প সমাৰোহত অংশগ্ৰহণ কৰিব বিজেপিৰ ৰাষ্ট্ৰীয় সভাপতি জে পি নাড্ডাই । দিনৰ এক বজাত শিলচৰ পুলিচ পেৰেড গ্ৰাউণ্ডৰ সমাৰোহত ভাষণ প্ৰদান কৰিব নাড্ডাই । নাড্ডাৰ লগতে এই সমাৰোহত উপস্থিত থাকিব মুখ্যমন্ত্ৰী সৰ্বানন্দ সোণোৱাল, প্ৰদেশ সভাপতি ৰঞ্জিত দাস, নেডাৰ চেয়াৰমেন মন্ত্ৰী হিমন্ত বিশ্ব শৰ্মা । ইয়াৰ বাবে পুলিচ পেৰেড গ্ৰাউণ্ডত চলোৱা হৈছে পূৰ্ণ প্ৰস্তুতি, গ্ৰহণ কৰা হৈছে কটকটীয়া নিৰাপত্তা ব্যৱস্থা ৷

শিলচৰৰ বিজয় সংকল্প সমাৰোহত অংশগ্ৰহণ কৰিব জে পি নাড্ডাই

উল্লেখ্য যে, আগন্তুক বিধানসভা নিৰ্বাচনৰ প্ৰচাৰৰ বাবে আজি অসমত আহি উপস্থিত হ'বহি বিজেপিৰ ৰাষ্ট্ৰীয় সভাপতি জে পি নাড্ডা ৷ তেওঁ অসমত উপস্থিত হৈয়ে প্ৰথমে শিলচৰত এখন ৰাজহুৱা সমদলত অংশগ্ৰহণ কৰিব ৷ ইয়াৰ পাচতে সভাপতিগৰাকীয়ে গুৱাহাটীত উপস্থিত হৈ কামাখ্যা মন্দিৰ দৰ্শন কৰিব আৰু মঙলবাৰে দিল্লীলৈ উভতি যাব ৷

অন্য এক খবৰৰ বাবে: 2021ত অকলেই নিৰ্বাচন খেলাৰ দাবীত অটল বৰপেটা জিলা কংগ্ৰেছ