বৰষুণৰ অভাৱত বিহালীত বিঘাই বিঘাই কৃষি ভূমি নষ্ট

বিশ্বনাথ জিলাৰ বিহালী সমষ্টিৰ চিৰঞ্জীৱ বৰা নামৰ খেতিয়কজনৰ বতৰ খৰাং হোৱাত পানীৰ অভাৱৰ ফলত কৃষক গৰাকীৰ ১০ বিঘা মাটিৰ গোমধান শুকাই যোৱাৰ লগতে আন আন শাক-পাচলিৰ খেতি নষ্ট হয় ৷

বিশ্বনাথ,১৭ মে':বৰষুণৰ অভাৱত বিহালীত বিঘাই বিঘাই কৃষি ভূমি নষ্ট । পানীৰ অভাৱত কৃষকৰ পানীত হাঁহ নচৰা অৱস্থা । বিশ্বনাথ জিলাৰ বিহালী সমষ্টিৰ বুৰৈগুৰি ৰৌমাৰীৰ ৩ নং বটিয়ামাৰী নিবাসী চিৰঞ্জীৱ বৰা (ওৰফে নাকে) নামৰ খেতিয়কজনে প্ৰায় ১০ বিঘা মাটিত গোমধান, ২ বিঘা মাটিত বেঙেনা, ২ বিঘা মাটিত লেচেৰা মাহৰ লগতে বিভিন্ন শাক-পাচলিৰ খেতি কৰিছিল ৷ কিন্তু বতৰ খৰাং হোৱাত পানীৰ অভাৱৰ ফলত কৃষক গৰাকীৰ ১০ বিঘা মাটিৰ গোমধান শুকাই যোৱাৰ লগতে আন আন শাক-পাচলিৰ খেতি নষ্ট হোৱা পৰিলক্ষিত হয় ।

উল্লেখ্য যে, কৃষকজনে প্ৰায় ২৫-৩০ হাজাৰ টকা খৰচ কৰি খেতি কৰিছিল । সেয়েহে এতিয়া কৃষকজনে অসম চৰকাৰক পানী যোগানৰ ব্যৱস্থা কৰি দিবলৈ অনুৰোধ জনাইছে ৷

লগতে পঢ়ক:মুখ্যমন্ত্ৰীলৈ পত্ৰযোগে কি পৰামৰ্শ দিলে ৰিপুণ বৰাই