কলগাছিয়াত দুষ্প্ৰাপ্য কেটেলা পহু উদ্ধাৰ

বৰপেটা জিলাৰ কলগাছিয়াত কেটেলা পহু উদ্ধাৰ ৷ নিজৰাৰ পাৰত উদ্ধাৰ কৰা হয় পহুটো ৷ আৰক্ষীৰ সহযোগত বন বিভাগক চমজাই দিবলৈ প্ৰস্তুতি স্থানীয় ৰাইজৰ ৷

জনীয়া, 24 আগষ্ট : ৰাজ্য়ত COVID পৰিস্থিতিৰ মাজতে সোমবাৰে ৰাতিপুৱা বৰপেটা জিলাত এটা দুষ্প্ৰাপ্য কেটেলা পহু উদ্ধাৰ কৰা হয় ৷ জিলাখনৰ কলগাছিয়াৰ বিলৰটাৰী গাঁৱত উদ্ধাৰ কৰা হয় পহুটো ৷

বৰপেটা ৰোড বন সংমণ্ডলৰ অন্তৰ্গত কলগাছিয়া আৰক্ষী থানাৰ বিলৰটাৰী গাঁৱৰ বাসিন্দা মন্নেচ আলী নামৰ লোকজনে সোমবাৰে ৰাতিপুৱা গাঁৱৰ মাজেদি বৈ যোৱা নিজৰা এটাৰ পাৰত কেটেলা পহুটো উদ্ধাৰ কৰে । উদ্ধাৰ কৰা পহুটো কলগাছিয়া আৰক্ষীৰ সহযোগত বন বিভাগক চমজাই দিয়াৰ প্ৰস্তুতি চলাইছে বুলি জানিব পৰা গৈছে । উল্লেখ্য যে, অঞ্চলবাসী ৰাইজে উদ্ধাৰ কৰা পহুটো চাবলৈ ভিৰ কৰিছে ।

লগতে পঢ়ক : কৃষিভূমিৰ ক্ষতিপূৰণ বিচাৰি কলগাছিয়াত কৃষকৰ আহ্বান চৰকাৰলৈ