একাপ চাহেৰে হোমেন বৰগোহাঞিলৈ যুৱ শিল্পীৰ শ্ৰদ্ধাঞ্জলি

চাহৰ কাপেৰে হোমেন বৰগোহাঞিৰ প্ৰতি শ্ৰদ্ধাঞ্জলি জ্ঞাপন কৰিলে বৰপেটাৰ উদীয়মান এগৰাকী শিল্পীয়ে ৷ প্ৰয়াত হোমেন বৰগোহাঞিক চাহৰ কাপত অংকন কৰিলে বৰপেটাৰ নিৰ্জুৰাজ দাসে ৷

বৰপেটা,১২ মে’: প্ৰয়াত হোমেন বৰগোহাঞিলৈ বৰপেটাৰ এগৰাকী শিল্পীয়ে জ্ঞাপন কৰিছে শ্ৰদ্ধাঞ্জলি ৷ এটা চাহ কাপেৰে সাহিত্যিক গৰাকীৰ প্ৰতি শ্ৰদ্ধাঞ্জলি অৰ্পণ কৰিলে বৰপেটাৰ উদীয়মান শিল্পী নিৰ্জুৰাজ দাসে ৷ চাহ কাপেৰেই হোমেন বৰগোহাঞিক অংকন কৰি অসমীয়া ভাষা সাহিত্যক মহীয়ান কৰি থৈ যোৱা কথাশিল্পী, সাহিত্যিক, সাংবাদিক গৰাকীলৈ শেষ শ্ৰদ্ধা নিবেদন কৰে যুৱ শিল্পী দাসে ৷

ইপিনে লেখক তথা ভাৰতীয় প্ৰশাসনীয় সেৱাৰ অৱসৰপ্ৰাপ্ত বিষয়া থানেশ্বৰ মালাকাৰে এক শোকবাৰ্তা যোগে বিশিষ্ট কথাশিল্পী, সাহিত্যিক গৰাকীৰ প্ৰতি শ্ৰদ্ধা নিবেদন কৰিছে ৷ বিশিষ্ট লেখক গৰাকীয়ে হোমেন বৰগোহাঞিৰ মৃত্যু অপূৰণীয় বুলি মন্তব্য প্ৰকাশ কৰিছে ৷

লগতে পঢ়ক:এখন বাঁহনিত বাহৰ পাতিছে জাক জাক বগলীয়ে