বৰপেটা, ৮ মাৰ্চ: বৰপেটাৰ সৰ্থেবাৰীত ৰঙাঘৰৰ আলহী হ'ল দোকানত চাফাই অভিযান চলাবলৈ যোৱা চোৰ । সোমবাৰে পুৱতি নিশা সৰ্থেবাৰী আৰক্ষী থানাৰ অন্তৰ্গত ক্ষুদ্ৰ বামুনবড়ীৰ জমিৰ আলী নামৰ লোকজনৰ দোকানত চুৰি কৰিবলৈ গৈছিল দুটাকৈ চোৰে । কিন্তু ভাগ্য বেয়া আছিল দুয়োৰে ।
চুৰি কৰিবলৈ গৈ ৰঙাঘৰৰ আলহী দুই গভাইত চোৰ
সৰ্থেবাৰীৰ মাজদিয়া আৰক্ষীৰ জালত দুই চোৰ । পুৱতি নিশা সৰ্থেবাৰীৰ ক্ষুদ্ৰ বামুনবড়ীৰ এখন দোকানত লুট-পাত চলোৱাৰ চেষ্টা কৰোতেই আৰক্ষীয়ে হাতে-লোটে কৰায়ত্ত কৰে চোৰক । ধৃত চোৰ দুটা ক্ৰমে চুবুৰ আলী আলী আৰু চুৰত জামাল ।
সৰ্থেবাৰীত দুই গভাইত চোৰ আটক
দোকানৰ বেৰ ভাঙি ভিতৰত প্ৰৱেশ কৰি লুট-পাত চলোৱাৰ সময়তে মাজদিয়া আৰক্ষীয়ে হাতে-লোটে কৰায়ত্ত কৰে এটা চোৰক । ধৃত চোৰটো ক্ষুদ্ৰ বামুনবড়ীৰ বাসিন্দা চুবুৰ আলী । দোকানৰ ধনৰ বাকচৰ পৰা চুবুৰ আলীয়ে ৩,৯২৫ টকা চুৰি কৰিছিল ৷ পিছত চুবুৰ আলীৰ পৰা উক্ত টকাখিনি আৰক্ষীয়ে জব্দ কৰে । চুবুৰ আলীৰ স্বীকাৰোক্তিৰ ভিত্তিত ক্ষুদ্ৰ বামুনবড়ীৰ চুৰত জামাল নামৰ আন এটা চোৰকো মাজদিয়া আৰক্ষীয়ে আটক কৰে ।
মাজদিয়া আৰক্ষী চকীৰ ভাৰপ্ৰাপ্ত আৰক্ষী বিষয়া প্ৰণৱ কুমাৰ দাসৰ নেতৃত্বত আৰু সহকাৰী উপ পৰিদৰ্শক পবিত্ৰ কলিতাৰ সহযোগত যোৱা আৰক্ষীৰ এটা দলে চোৰ দুটাক আটক কৰি আৰক্ষী চকীলৈ আনে । ধৃত চোৰ দুটাক সোমবাৰে মাজদিয়া আৰক্ষীয়ে বৰপেটা আদালতলৈ প্ৰেৰণ কৰে ।
লগতে পঢ়ক:ধিং মহাবিদ্যালয়ত আন্তৰ্জাতিক নাৰী দিৱস উদযাপন