সৰ্থেবাৰী অঞ্চলৰ কাঁহ শিল্পীৰ পৰিয়াললৈ আৰক্ষীৰ ফালৰ পৰা সহায়ৰ হাত

বৰপেটা সদৰ উপ আৰক্ষী অধীক্ষক সমীৰণ বৈশ্যৰ নেতৃত্বত সৰ্থেবাৰী অঞ্চলত প্ৰায় দুশটা কঁহাৰ শিল্পীৰ পৰিয়াললৈ আৰক্ষীৰ ফালৰ পৰা সহায়ৰ হাত আগবঢ়োৱা হয় ৷

বৰপেটা ২২ এপ্ৰিল : দেশজুৰি চলা লক ডাউনৰ বাবে বন্ধ হৈ আছে ঐতিহাসিক সৰ্থেবাৰীৰ কাঁহৰ গঢ়শাল সমূহ । গঢ়শাল বন্ধ হৈ থকাত আৰ্থিক দৈন্যতাত ভুগিব লগীয়া হৈছে কাঁহ শিল্পীসকলো । এই লোক সকলক কিছু সকাহ দিয়াৰ উদ্দেশ্যে বৰপেটা সদৰ উপ আৰক্ষী অধীক্ষক সমীৰণ বৈশ্যৰ নেতৃত্বত সৰ্থেবাৰী অঞ্চলত প্ৰায় দুশটা কঁহাৰ শিল্পীৰ পৰিয়াললৈ আৰক্ষীৰ ফালৰ পৰা সহায়ৰ হাত আগবঢ়োৱা হয় ৷ ।

আৰক্ষীৰ ফালৰ পৰা কঁহাৰ শিল্পীৰ পৰিয়ালসমূহলৈ চাউল,দাইল,তেল,ৰঙালাউ,নিমখ,মাস্ক,চেনিটাইজাৰ আদি বিভিন্ন সামগ্ৰী বিতৰণ কৰা হয় । দুখীয়া কাঁহ শিল্পী সকলক এইদৰে সহায় কৰাত স্থানীয় ৰাইজে আৰক্ষীৰ এনে পদক্ষেপক আদৰণি জনায় । লগতে পঢ়ক : ধৰিত্ৰী দিৱসৰ ৰূপালী জয়ন্তীত NASAৰ বিশেষ ভিডিঅ‘