দৰিদ্ৰ পৰিয়ালৰ ইয়াকুব কেনেকৈ জেহাদী হ'ল !

ক্ৰমান্বয়ে জেহাদীৰ ঘাটিত পৰিণত হৈছে বৰপেটা জিলা ৷ শেহতীয়াভাৱে তিনিজনকৈ জেহাদীক গ্ৰেপ্তাৰ কৰিছে আৰক্ষীয়ে ৷ বৰফ আৰু চানা বিক্ৰী কৰি দৰিদ্ৰতাৰে সহবাস কৰা ইয়াকুব জেহাদী হোৱা কথা অস্বীকাৰ পৰিয়ালৰ ৷

পাঠশালা,৩১জুলাইঃ মঙলবাৰে বৰপেটাত তিনি জেহাদী আটক হোৱাৰ পাচত ৰাজ্যজুৰি অব্যাহত আছে চাঞ্চল্য ৷ ইপিনে গোহালি সদৃশ পৰিৱেশত পৰিয়ালৰ সৈতে বাস কৰা ইয়াকুব জেহাদীৰ লগত কেনেকৈ জড়িত হ'ল বা সঁচাকৈ জড়িত নে এই সন্দৰ্ভত এতিয়াও চৰ্চা অব্যাহত আছে ৷ চানা আৰু বৰফ বিক্ৰী কৰি পৰিয়ালক পোহপাল দিয়া ইয়াকুব নিৰক্ষৰ বুলি জানিব দিয়ে পৰিয়ালৰ লগতে ওচৰ চুবুৰীয়াই ৷ অৱশ্যে যদি ইয়াকুব সঁচাকৈ দোষী তেনেহ'লে তেওঁক উপযুক্ত শাস্তিৰ দাবী আহ্বান জনাইছে অঞ্চলটোৰ ৰাইজে ৷