বৰপেটা, 4 আগষ্টঃ বৰপেটাত জেহাদীক লৈ চাঞ্চল্য ৷ এটাৰ পিচত আন এটাকৈ জেহাদী গ্ৰেপ্তাৰ বৰপেটাত ৷ পাঁচ দিনৰ ভিতৰত 7 টা জেহাদী গ্ৰেপ্তাৰ ৷ শনিবাৰে নিশা বৰপেটাৰ চতলাৰ পৰা মুস্তাফিজুৰ ৰহমান, হাউলীৰ ইটাৰভিঠাৰ পৰা দানেশ আলী আৰু নলবাৰীৰ কাপলাবড়ী গাৱৰ ভেবলা বড়ো চ'কৰ পৰা গ্ৰেপ্তাৰ কৰে চফিকুল ইছলাম নামৰ জেহাদী তিনিটাক ৷
উল্লেখ্য যে, ইয়াৰ পূৰ্বেও বিগত 30 আৰু 31 জুলাইত 24 ঘন্টাৰ ভিতৰতে বৰপেটাৰ আৰু চিৰাঙত আৰক্ষীয়ে গ্ৰেপ্তাৰ কৰিছিল চাৰিটাকৈ জেহাদী ৷ 30 জুলাইৰ নিশা বৰপেটাৰ কাৰাগাড়ী গাঁৱৰ পৰা হাফিজুৰ ৰহমান, কয়াকুছি পাম গাঁৱৰ পৰা য়াকুব আলী, কয়াকুছিৰ পৰা ছৰিফুল ইছলাম আৰু চিৰাং জিলাৰ মোজাবাৰী গাঁৱৰ পৰা হানিফ আলী নামৰ জেহাদীকেইটাক গ্ৰেপ্তাৰ কৰিছিল বৰপেটা আৰক্ষীয়ে ৷ বিগত এটা সপ্তাহত 7 টা জেএমবি দুধৰ্ষ কেডাৰক বৰপেটা আৰক্ষীয়ে গ্ৰেপ্তাৰ কৰে ৷
