জেহাদীৰ পাচত বৰপেটাত বোমাতংক

বৰপেটাত এটাৰ পাচত আন এটা জেহাদী আৰক্ষীৰ জালত পৰাৰ সময়তে দেওবাৰে দুপৰীয়া জিলাখনৰ সুখোৱাৰঝাৰ গাঁৱত আৰক্ষীয়ে বোমাটো উদ্ধাৰ কৰাত আতংকিত হৈ পৰিছে অঞ্চলবাসী

বৰপেটা, 4 আগষ্টঃ বৰপেটাত ধান খেৰৰ মাজৰ পৰা উদ্ধাৰ হস্তনিৰ্মিত বোমা ৷ বৰপেটাত এটাৰ পাচত আন এটা জেহাদী আৰক্ষীৰ জালত পৰাৰ সময়তে দেওবাৰে দুপৰীয়া জিলাখনৰ সুখোৱাৰঝাৰ গাঁৱত আৰক্ষীয়ে বোমাটো উদ্ধাৰ কৰাত আতংকিত হৈ পৰিছে অঞ্চলবাসী । বৰপেটাৰ আৰক্ষীৰ ডিএছপি অমৃত কলিতাৰ নেতৃত্বত আৰক্ষী আৰু সেনাৰ দলে অভিযান চলাই গাঁওখনৰ কমল উদ্দিন ঘৰত জব্দ কৰে বোমাটো ৷

আনহাতে, অশিক্ষিত তথা কৃষি কৰ্ম কৰি কোনোমতে পৰিয়াল পোহপাল দিয়া কমল উদ্দিনৰ ঘৰত বোমা উদ্ধাৰ হোৱা বিষয়টো ৰহস্যজনক ৷ একাংশৰ দাবী কোনো দুষ্ট চক্ৰই যড়যন্ত্ৰ কৰি বোমাটো তেখেতৰ ঘৰত থৈ গৈছিল ৷