বৰমা, 19 জুনঃ বাক্সা জিলাৰ শিপিনী সকলৰ বহু প্ৰত্যাশিত সংহত হস্ততাঁত আৰু বয়ন উদ্যোগৰ শুভ উদ্ধোধনী ৷ অনুষ্ঠানত মন্ত্ৰী প্ৰমিলা ৰাণী ব্ৰহ্মই উপস্থিত থাকি অসম তথা বিটিচি শিপিনী সকলৰ বাবে এই উদ্যোগটোৱে বহু আশাৰ বতৰা কঢ়িয়াই আনিব বুলি প্ৰকাশ কৰে ৷ 46 কোটি টকা ব্যয় সাপেক্ষে নিৰ্মাণ কৰা এই উদ্যোগৰ জৰিয়তে অসম তথা বিভিন্ন জাতি জনগোষ্ঠীৰ বিভিন্ন কৌশলে প্ৰচাৰ লাভ কৰিব বুলি মন্ত্ৰীগৰাকীয়ে লগতে কয় ৷
হস্ততাঁত আৰু বয়ন উদ্যোগটো অসমৰ ভিতৰতে প্ৰথম উদ্যোগ বুলি মন্তব্য কৰি মন্ত্ৰীগৰাকীয়ে কয় যে, উদ্যোগটো জীয়াই কৰিবলৈ সকলোৱে চেষ্টা কৰিব লাগিব ৷ 20টা ইউনিট থকা উদ্যোগটোত সুতাৰ ৰং কৰা, ডিজাইনিং, ট্ৰেইনিং ,পেকেজিং, আদিকে ধৰি সকলো সুবিধা থাকিব ৷
বিটিচি ব্ৰাউফেডৰ পৰিচালন সঞ্চালক ৰানা পাটগিৰিয়ে আত ধৰা সভাত সাংসদ বিশ্বজিৎ দৈমাৰী, বিধায়ক মনেশ্বৰ ব্ৰহ্ম, থানেশ্বৰ বসুমতাৰী, ইমানুৱেল মুছাহাৰী, চৰন বড়ো, বিটিচি কাৰ্যবাহী সদস্য অনচুমৈ খুংগুৰ বড়ো, জিলা উপায়ুক্ত ভাস্কৰ পেগু, বাস্কা আৰক্ষী অধীক্ষক থুৱে প্ৰতীক বিজয় কুমাৰ, বিটিচি সচীব কেৰল নাৰ্জাৰী কে ধৰি বহু লোক উপস্থিত থাকে ৷
