বাক্সাত উচ্চ, উচ্চতৰ মাধ্যমিক পৰীক্ষাত উত্তীৰ্ণ কৃতি ছাত্ৰ ছাত্ৰীক সম্বৰ্ধনা

বাক্সাৰ খৈৰাণী কাৰখেলা গাওঁ উন্নয়ন সমিতি উদ্যোগত সদ্য ঘোষিত উচ্চ,উচ্চতৰ মাধ্যমিক পৰীক্ষাত উত্তীৰ্ণ ৯ গৰাকী কৃতি ছাত্ৰ ছাত্ৰীক সম্বৰ্ধনা

বাক্সা,29 মে': বাক্সা জিলাৰ ভাৰত ভূটান সীমান্তৰ খৈৰাণী কাৰখেলা গাওঁ উন্নয়ন সমিতিৰ উদ্যোগত বুধবাৰে সদ্য ঘোষিত উচ্চ আৰু উচ্চতৰ মাধ্যমিকৰ চূড়ান্ত পৰীক্ষাত সুখ্যাতিৰে উত্তীৰ্ণ হোৱা 9 গৰাকী কৃতি ছাত্ৰ ছাত্ৰীক সম্বৰ্ধনা জনোৱা হয় ৷ ছাত্ৰ ছাত্ৰীসকলক ফুলাম গামোচা,মানপত্ৰ আৰু কিতাপৰ টোপোলাৰে জনোৱা হয় সম্বৰ্ধনা ৷

সম্বৰ্ধনা সভাত উপস্থিত থাকে খৈৰাণী কাৰখেলা গাওঁ উন্নয়ন সমিতিৰ সভাপতি চিত্ৰ বস্নেত,খৈৰাণী হাইস্কুলৰ প্ৰধান শিক্ষক দূর্গাধৰ বস্নেত,খৈৰাণী প্ৰাথমিক বিদ্যালয়ৰ প্ৰধান শিক্ষয়ত্ৰী ৰেখা চেত্ৰীৰ লগতে খৈৰাণী হাইস্কুলৰ ছাত্ৰ ছাত্ৰী আৰু স্থানীয় ৰাইজ ৷