ছাফ ৱমেনছ চেম্পিয়নশ্বিপ:ফাইনেলত ভাৰতৰ মুখামুখি হ'ব নেপাল

ছাফ চেম্পিয়নশ্বিপৰ ডিফেণ্ডিং চেম্পিয়ন ভাৰতে ছাফ ৱমেনছ ফুটবল চেম্পিয়নশ্বিপৰ ফাইনেলত প্ৰৱেশ কৰিছে ৷ ভাৰত - নেপালৰ ফাইনেল মেচ শুকুৰবাৰে অনুষ্ঠিত হ'ব ৷

নিউজ ডেস্ক, 21 মাৰ্চ: ছাফ ৱমেনছ ফুটবল চেম্পিয়নশ্বিপৰ ফাইনেলত উপনীত হৈছে ভাৰত আৰু নেপাল ৷ বুধবাৰে অনুষ্ঠিত ছেমি ফাইনেল মেচত ভাৰতে বাংলাদেশৰ বিৰুদ্ধে বিজয়ী হোৱাৰ বিপৰীতে নেপালে শ্ৰীলংকাক পৰাস্ত কৰিবলৈ সক্ষম হয় ৷ বৰ্তমানলৈকে ভাৰতৰ ইন্দুমতী কাথিৰিছানে 4 টা গ'ল সংগ্ৰহেৰে টুৰ্ণামেন্টৰ সৰ্বোচ্চ গ'ল সংগ্ৰহকাৰী হিচাপে পৰিগণিত হৈছে ৷

ছাফ চেম্পিয়নশ্বিপৰ ডিফেণ্ডিং চেম্পিয়ন ভাৰতে এইবাৰো ট্ৰফী জয়ৰ লক্ষ্যৰে নামিব ৷ 2016 চনত ভাৰতীয় দলে বাংলাদেশক 3-1 ৰ ব্যৱধানত পৰাস্ত কৰি ট্ৰফী বুটলিবলৈ সক্ষম হৈছিল ৷ ভাৰত - নেপালৰ ফাইনেল মেচ শুকুৰবাৰে অনুষ্ঠিত হ'ব ৷