স্প’ৰ্টছ ডেস্ক, 12 অক্টোবৰ : মঙলবাৰে আনুষ্ঠানিকভাৱে ৰয়েল চেলেঞ্জাৰ্ছ বেংগালুৰু(RCB)ৰ অধিনায়কত্ব এৰিলে বিৰাট কোহলী(Virat Kohli)য়ে ৷ সোমবাৰে চলিত বৰ্ষৰ আই পি এল(IPL)ত কলকাতা নাইট ৰাইডাৰ্ছ(KKR)ৰ বিৰুদ্ধে হোৱা মেচখনেই আছিল কোহলীৰ বাবে অধিনায়ক হিচাপে অন্তিমখন মেচ ৷
সোমবাৰে KKRৰ বিৰুদ্ধে পৰাজয় বৰণ কৰি চলিত বৰ্ষৰ আই পি এলৰ পৰা বাহিৰ হয় RCB ৷ পূৰ্বৰ ঘোষণা অনুসৰি, মঙলবাৰে RCBৰ পৰা অধিনায়ক পদ ত্যাগ কৰে বিৰাট কোহলীয়ে ৷ RCBৰ সমৰ্থকসকলে কোহলীক সোমবাৰে অন্তিমবাৰৰ বাবে দলটোৰ অধিনায়ক হিচাপে দেখি ছ’চিয়েল মিডিয়াযোগে তেওঁলোকৰ হতাশা ব্যক্ত কৰে ৷
RCBৰ অধিনায়ক পদ ত্যাগ বিৰাট কোহলীৰ
উল্লেখ্য যে, কিছুদিন পূৰ্বে কোহলীয়ে আনুষ্ঠানিকভাৱে ঘোষণা কৰিছিল যে, চলিত বৰ্ষৰ আই পি এল হ’ব তেওঁ RCBৰ অধিনায়ক পদ ত্বৰান্বিত কৰা অন্তিমটো চিজন । যদিও তেওঁ দলটোক ট্ৰ’ফীৰ ওচৰলৈ লৈ যোৱাত ব্যৰ্থ হয়, কিন্তু এগৰাকী অধিনায়ক হিচাপে কোহলীয়ে অতি সুন্দৰকৈ দলটোক নেতৃত্ব প্ৰদান কৰিছিল ৷
আই পি এলৰ ইতিহাসত অধিনায়ক হিচাপে সৰ্বাধিক ৰাণ সংগ্ৰহ কৰিছে বিৰাটে ৷ 2008 চনত RCBত যোগদান কৰা কোহলীয়ে অধিনায়ক হিচাপে 132 খন মেচত 4674 ৰাণ সংগ্ৰহ কৰিবলৈ সক্ষম হৈছে ৷ অধিনায়ক পদ ত্যাগৰ পাচতে টুইটাৰযোগে অনুৰাগী আৰু প্ৰশংসকসকলে তেওঁক লৈ ‘End Of An Era’ ট্ৰেণ্ডৰ সৃষ্টি কৰা দেখা গৈছে ৷
RCBৰ অধিনায়ক পদ ত্যাগ বিৰাট কোহলীৰ
লগতে পঢ়ক :ক্ৰমাগত নৱমবাৰলৈ IPL ৰ ফাইনেলত চেন্নাই চুপাৰ কিংছ
