IPL 2023: জয়পুৰৰ মেচৰ পিচত ৰিয়ান পৰাগৰ বেটিঙৰ ওপৰত প্ৰশ্ন ৰবি শাস্ত্ৰীৰ

ৰবি শাস্ত্ৰীয়ে ৰিয়ান পৰাগক তীব্ৰ সমালোচনা কৰি কয় যে ৰাজস্থান ৰয়েলছ আৰু লক্ষ্ণৌ ছুপাৰ জায়েণ্টছৰ মাজৰ খেলখনত বেটাৰৰ প্ৰদৰ্শন টাৰ্ণিং পইণ্ট আছিল (Ravi Sashtri criticized Riyan Parag) ।

স্পৰ্টছ ডেস্ক, ২০ এপ্ৰিল : ৰিয়ান পৰাগৰ আইপিএলৰ প্ৰদৰ্শনত সন্তুষ্ট নহয় ৰবি শাস্ত্ৰী (IPL 2023) । ৰবি শাস্ত্ৰীয়ে লক্ষ্ণৌ ছুপাৰ জায়েণ্টছৰ (Lucknow Super Giants, LSG) বিৰুদ্ধে ৰিয়ান পৰাগে যিদৰে খেল আৰম্ভ কৰিছিল তাত সুখী নাছিল । উল্লেখ্য, বুধবাৰে জয়পুৰৰ সৱাই মানসিং ষ্টেডিয়ামত ৰাজস্থান ৰয়েলছৰ (Rajasthan Royals, RR) বাবে প্ৰয়োজনীয় ৰাণ ৰেট ১০ অতিক্ৰম কৰাৰ সময়ত ৰিয়ান পৰাগে তেওঁৰ প্ৰথম আঠটা বলত মাত্ৰ চাৰি ৰাণ সংগ্ৰহ কৰিছিল ৷ সেয়ে শাস্ত্ৰীয়ে এইটো ক'বলৈ অকণো দ্বিধাবোধ কৰা নাছিল যে পৰাগৰ লেহেমীয়া আৰম্ভণিয়েই খেলখনৰ গতি সলনি কৰিছিল (Ravi Shastri questions on Riyan Parags intent) ৷ প্ৰবীণ ক্ৰিকেটাৰজনে লগতে এইটোও কয় যে পৰাগৰ মন্থৰ বেটিঙৰ বাবেই দেৱদত্ত পাডিক্কালেও তেওঁৰ লয় হেৰুৱাইছিল ।

"তেওঁলোকে চেমছনক হেৰুৱাইছিল, তেওঁলোকে বাটলাৰ আৰু জয়ছোৱালক হেৰুৱাইছিল । কিন্তু তথাপিও তেওঁলোকৰ যথেষ্ট খেলুৱৈ আছিল, বেটিঙৰ যথেষ্ট গভীৰতা আছিল (LSG vs RR IPL match) । মই ভাবোঁ যে যেতিয়া ৰিয়ান পৰাগ ক্ৰিজলৈ আহিছিল আৰু প্ৰথম আঠটা বল যেনেধৰণে খেলিছিল, সেইটোৱেই খেলখনৰ গতিপথ সলনি কৰিছিল । আনহাতে, আনটো মূৰত পাডিক্কালেও নিজৰ ছন্দ হেৰুৱায় ।’’

"এক ৰাণকৈহে খেলত ৰাণ আহিবলৈ আৰম্ভ কৰিছিল আৰু সেইটো পৰ্যায়ত বাউণ্ডেৰী অবিহনে ২৮ টা বল খেলিছিল (RR lost to LSG at Jaipur) । যেতিয়া আপুনি বাউণ্ডেৰী অবিহনে ইমান সময় অতিবাহিত কৰে, তেতিয়া নিজে সমস্যাৰ সৃষ্টি কৰে ।" মেচৰ পিচত দিয়া ভাষ্যত শাস্ত্ৰীয়ে ষ্টাৰ স্প'ৰ্টছৰ আগত এনেদৰে কয় । উল্লেখ্য যে নিজৰ ভাষ্যৰ সময়ত ইংলেণ্ডৰ প্ৰাক্তন বেটাৰ কেভিন পিটাৰছেনেও পৰাগক সমালোচনা কৰে (Kevin Pitarsen criticized Riyan Parag) ।

মন্থৰ আৰম্ভণিৰ পিচত পৰাগে এটা চাৰি আৰু এটা ছয় মাৰি ১২ বলত ১৫ ৰাণ কৰি অপৰাজিত হৈ থাকে । কিন্তু ৰয়েলছে বিজয়ৰ ৰেখা অতিক্ৰম কৰিবলৈ সেয়াই পৰ্যাপ্ত নাছিল । ১৫৫ ৰাণৰ লক্ষ্য অনুসৰণ কৰিবলৈ আগবঢ়াৰ সময়ত জছ বাটলাৰ আৰু যশস্বী জয়ছোৱালে প্ৰথম উইকেটত ৮৭ ৰাণৰ অৱদানেৰে দলৰ বাবে এক সবল ভেটি স্থাপন কৰে । কিন্তু মাৰ্কাছ ষ্টইনিছে তেওঁলোক দুয়োকে আউট কৰাৰ পিচত ৰয়েলছে বেয়াকৈ খোপনি হেৰুৱায় ।

"তেওঁলোকে জানিছিল যে তেওঁলোকে কিমান ৰাণ অনুসৰণ কৰিছে । সৌভাগ্যক্ৰমে তেওঁলোক তালিকাৰ শীৰ্ষত আছে আৰু তেওঁলোকে এই পৰাজয়ৰ পৰা বহুত শিকিব । তেওঁলোকে তেওঁলোকৰ বেটিং ইউনিৰ পৰিৱৰ্তনৰ বিষয়ে শিকিব । পৰাগক দায়িত্ব দিয়া হৈছিল । কিন্তু তেওঁ কেনেদৰে খেলিলে সেয়াও প্ৰত্যক্ষ কৰে । তেওঁলোকৰ ইমান শক্তিশালী বেটিং লাইনআপ আছিল যে তেওঁলোকে বহু আগতেই মেচখনত জয়লাভ কৰিব পাৰিলেহেঁতেন ।" তেওঁ লগতে কয় । উল্লেখ্য, পৰাজয় সত্ত্বেও ৰাজস্থান ৰয়েলছে ছয়খন মেচৰ ভিতৰত চাৰিখনত বিজয়লাভেৰে মুঠ ৮ পইণ্ট আৰু +1.043 নেট ৰাণ ৰেটেৰে পইণ্ট তালিকাৰ শীৰ্ষত আছে ।

লগতে পঢ়ক :IPL 2023 LIVE: লক্ষ্ণৌৰ বিৰুদ্ধে 10 ৰাণত পৰাস্ত ৰাজস্থান