বিশ্ব চেম্পিয়ন হ’বলৈ কোহলীৰ পৰা এটা বিশাল শতকৰ আশা

বিশ্বকাপ ২০২৩ ৰ অন্তিমখন খেলৰ বাবে আহমেদাবাদত উপস্থিত হৈছে ক্ৰিকেট অনুৰাগী । ফাইনেল মেচত বিৰাট কোহলীৰ পৰা অনুৰাগীৰ বহু আশা । কিন্তু বিৰাট কোহলীৰ সন্মুখত আছে দুজন অষ্ট্ৰেলিয়ান বলাৰ আছে যিয়ে তেওঁক অশান্তি দিব পাৰে, তেওঁলোকৰ পৰিসংখ্যা জানি লওক...

স্পৰ্টছ ডেস্ক, ১৯ নৱেম্বৰ : বিশ্বকাপ ২০২৩ ৰ অন্তিমখন খেলৰ বাবে দুয়োটা দলৰ খেলুৱৈৰ সৈতে সাজু হৈছে সমগ্ৰ দেশ ৷ যদিহে ভাৰতীয় দলটোৱে অষ্ট্ৰেলিয়াৰ বিৰুদ্ধে চূড়ান্ত মেচত জয়লাভ কৰে তেন্তে ভাৰতে তৃতীয়বাৰৰ বাবে ট্ৰফী দখল কৰিব ৷ ইয়াৰ পূৰ্বে ১৯৮৩ চনত কপিল দেৱৰ নেতৃত্বত আৰু ২০১১ চনত মহেন্দ্ৰ সিং ধোনিৰ নেতৃত্বত ভাৰতে বিশ্বকাপ জয় কৰিছিল ৷ আজি ভাৰতীয় দলটোৱে আহমেদাবাদত ৰোহিত শৰ্মাৰ নেতৃত্বত বিশ্ব চেম্পিয়ন হ'বলৈ সম্পূৰ্ণৰূপে সাজু হৈছে ৷

ইফালে, এই মেচত সমগ্ৰ দেশৰ চকু ভাৰতৰ তাৰকা বেটছমেন বিৰাট কোহলীৰ ওপৰত নিবদ্ধ হ’ব ৷ কোহলীক ডাঙৰ মেচৰ খেলুৱৈ বুলি গণ্য কৰা হয় আৰু কোহলী চেজ মাষ্টাৰ নামেৰে বিখ্যাত ৷ আনহাতে পূৰ্বৰ মেচখনত বিৰাটে শচীন তেণ্ডুলকাৰৰ ৰেকৰ্ড ভংগ কৰাৰ পিছত এই সমগ্ৰ ভাৰতবাসীয়ে বিৰাটক লৈ নিজৰ মৰম সামাজিক মাধ্যমযোগে প্ৰকাশ কৰে ৷

বিজয়ৰ মুকুট পিন্ধিবলৈ ভাৰতীয় দলক প্ৰয়োজন বিৰাটৰ উত্তম প্ৰদৰ্শন

এই মেচখনত তেওঁ এক উজ্জ্বল শতক অৰ্জন কৰি ভাৰতৰ হৈ এই বিশ্বকাপ জয় কৰাৰ বাবে সকলোৱে আশা প্ৰকাশ কৰিছে৷ এই বিশ্বকাপত এতিয়ালৈকে বিৰাট কোহলীয়ে ৭০০ৰো অধিক ৰান সংগ্ৰহ কৰিছে ৷ য’ত তিনিটা শতিকো অন্তৰ্ভুক্ত ৷ শেহতীয়াকৈ নিউজিলেণ্ডৰ বিৰুদ্ধে শতক অৰ্জন কৰি শচীন টেণ্ডুলকাৰৰ ৪৯টা শতকৰ অভিলেখ ভংগ কৰে বিৰাটে ৷

হেজলউড আৰু জাম্পাৰ পৰা বাচি থাকিব লাগিব

আনহাতে অষ্ট্ৰেলিয়াৰ দুজন গুৰুত্বপূৰ্ণ বলাৰ জোছ হেজলউড আৰু এডাম জাম্পাও ফৰ্মত আছে আৰু এই দুজন বলাৰৰ বিৰুদ্ধে বিৰাট কোহলীৰ অভিলেখ ভাল নহয় ৷ এই প্ৰত্যাহ্বান অতিক্ৰম কৰিব লাগিব কোহলীয়ে ৷ এই বিশ্বকাপত মহম্মদ ছামী (২৩)ৰ পিচতে দ্বিতীয় সৰ্বাধিক উইকেট দখল কৰিছে আদম জাম্পাই (২২) ৷ জোছ হেজলউডেও ১০ খন মেচত ১৪টা উইকেট দখল কৰিছে আৰু বেটছমেনসকলৰ বাবে যথেষ্ট অশান্তিৰ সৃষ্টি কৰিছে ৷

এডাম জাম্পা আৰু জোছ হেজলউডৰ বিৰুদ্ধে বিৰাট কোহলীৰ পৰিসংখ্যা

জোছ হেজলউড- জোছ হেজলউডে বিৰাট কোহলীৰ হাতত ৮ টা এদিনীয়া ইনিংছত বলিং কৰি কোহলীক ৫ বাৰ আউট কৰিছে ৷ হেজলউডৰ ৮৮টা বলত ৫৪টা ডট বল খেলি কোহলীয়ে ৫১ ৰান সংগ্ৰহ কৰে ৷ হেজলউডৰ বিৰুদ্ধে কোহলীৰ নামত মাত্ৰ তিনিটা চাৰিটা আছে আৰু তেওঁৰ বিৰুদ্ধে কোনো ছয় মাৰিব পৰা নাই ৷ হেজলউডৰ বিৰুদ্ধে ৫৭.৯৫ ষ্ট্ৰাইক ৰেটত ৰান সংগ্ৰহ কৰিছে কোহলীয়ে ৷

আদম জাম্পা-বিৰাট কোহলীক আদম জাম্পাৰ বিৰুদ্ধেও চিন্তিত যেন লাগিছিল ৷ কিন্তু জাম্পা আৰু কোহলীৰ মাজত হ’ব কঠোৰ প্ৰতিযোগিতা ৷ জাম্পাই ইতিমধ্যে ১৩ ইনিংছত ৫ বাৰ আউট কৰিছে কোহলীক ৷ অৱশ্যে জাম্পাৰ বিৰুদ্ধে বিৰাট কোহলীয়ে ২৩২টা বলত ২৫৪ ৰান সংগ্ৰহ কৰিছে আৰু তেওঁৰ বিৰুদ্ধে ১০৯.৪৮ ষ্ট্ৰাইক ৰেটত বেটিং কৰিছে ৷ জাম্পাৰ বিৰুদ্ধে কোহলীৰ গড় বৰ্তমান ৫০.৮০ ৷

লগতে পঢ়ক:আজি কেনে হ'ব আহমেদাবাদৰ বতৰ ?