স্পৰ্টছ ডেস্ক,13 জুনঃ ক্ৰিকেটত থকা বৰ্ণবৈষম্যৰ কথা অস্বীকাৰ নকৰি ইংলেণ্ড এণ্ড ৱেল্ছ ক্ৰিকেট ব'ৰ্ডে ভৱিষ্য়তে ইয়াৰ পৰা পৰিত্ৰাণ পাবলৈ প্ৰতিজ্ঞাবদ্ধ বুলি উল্লেখ কৰে । বৰ্ণবৈষম্যক লৈ সৰ্বত্ৰে চৰ্চা চলি থকাৰ মাজতেই ইংলেণ্ড এণ্ড ৱেল্ছ ক্ৰিকেট ব'ৰ্ডৰ গুৰুত্বপূৰ্ণ মন্তব্য় ।
বৰ্ণবৈষম্য ক্ৰিকেট আমাৰ সংকল্প : ECB আমেৰিকাত জৰ্জ ফ্লয়ড নামৰ এজন কৃষ্ণাংগবৰণ লোকক হত্য়া কৰাৰ পাচতেই এই বিষয়টোৱে যথেষ্ট চৰ্চা লাভ কৰিবলৈ সক্ষম হৈছে । বহু ক্ৰিকেটাৰো এই বিষয়ে নিজৰ মতামত দাঙি ধৰিছে । ইংলেণ্ড দলৰো খেলুৱৈ মাইকেল কাৰবেৰী আৰু জেমছ এণ্ডাৰছনে এই বিষয়ে স্পষ্ট ভাৱে নিজৰ মতামত দাঙি ধৰিছিল ।
ইচিবিয়ে শেহতীয়াকৈ এক বিবৃতি প্ৰকাশ কৰি কৈছে আমি সেই সকল লোকৰ কথাক মনোযোগেৰে শুনিছো যিয়ে ক্ৰিকেট, খেল আৰু সমাজত কৃষ্ণাংগ হোৱাৰ নিজৰ অনুভৱৰ কথা বক্তব্য কৰিছে । এই গুৰুত্বপূৰ্ণ বিষয়ত নিজৰ মত প্ৰকাশৰ বাবে আমি তেওঁলোকক প্ৰশংসা কৰিছো । আমি জানো বৰ্ণবৈষম্য সমগ্ৰ দেশতে ভিন্ন-ভিন্ন ঠাইত আছে আৰু আমি এইটোও জ্ঞাত যে ইয়াৰ পৰা খেলো বাদ পৰি ৰোৱা নাই ।
আমি এইটো কথা জানো ক্ৰিকেট সকলোৰে বাবে । কিন্তু ইয়াৰ উপভোগ কৰাৰ ক্ষেত্ৰত বহু কেইটা সম্প্ৰদায়ত কিছু বাধ্য়-বাধকতা আছে । আমি দেশত বেছিতকৈ বেছি লোকৰ মাজত ক্ৰিকেটক নি প্ৰগতি কৰিছো আৰু এইটো আমাৰ প্ৰতিজ্ঞাবদ্ধ যে, আমি এই বাধাক দূৰ কৰিম । এইটো প্ৰয়োজনীয় যে, যি অভিযোগ উঠিছে সেইয়া আমি শুনো । আমাক নিজকে নিজক শিক্ষিত কৰিব লাগিব । অস্বতিকৰ সত্যক মানিব লাগিব যাতে আমি আভ্যন্তৰীণভাৱে আৰু খেলৰ দীৰ্ঘ পৰিৱৰ্তনৰ ধাৰক হ'বলৈ সক্ষম হও ।
