পাকিস্তানৰ বিৰুদ্ধে প্ৰত্যাৱৰ্তনৰ সম্ভাৱনা স্মিথ-ৱাৰ্নাৰৰ

বল টেম্পাৰিঙৰ বিবাদত নিষেধাজ্ঞাৰ সন্মুখীন হৈ থকা অষ্ট্ৰেলিয়াৰ প্ৰাক্তন অধিনায়ক ষ্টিভ স্মিথ আৰু সহ অধিনায়ক ডেভিদ ৱাৰ্নাৰ অতিশীঘ্ৰে পাকিস্তানৰ বিৰুদ্ধে প্ৰত্যাৱৰ্তনৰ সম্ভাৱনা

স্পৰ্টছ ডেস্ক, ১২ মাৰ্চঃ দক্ষিণ আফ্ৰিকাৰ বিৰুদ্ধে টেষ্ট শৃংখলাত বল টেম্পাৰিং বিবাদত অভিযুক্ত হৈ এক বছৰৰ নিষেধাজ্ঞাৰ সন্মুখীন হৈছিল এই দুই খেলুৱৈ । এতিয়া এই নিষেধাজ্ঞাৰ অন্ত পৰিব ২৮ মাৰ্চত । যাৰ বাবে পাকিস্তানৰ বিৰুদ্ধে অনুষ্ঠিত শৃংখলাত আন্তঃৰাষ্ট্ৰীয় ক্ৰিকেটত প্ৰত্যাৱৰ্তন কৰাৰ পূৰ্ণ সম্ভাৱনা জাগি উঠিছে এই দুই অষ্ট্ৰেলিয়ান ক্ৰিকেট তাৰকাৰ ।

বৰ্তমান অষ্ট্ৰেলিয়া ক্ৰিকেট দলটো ভাৰত ভ্ৰমণত আছে । ইয়াৰ পিচত দলটোৱে ডুবাইত পাকিস্তানৰ বিৰুদ্ধে মুখামুখি হ'ব । এতিয়া ক্ৰিকেট অষ্ট্ৰেলিয়াই এই দুই তাৰকাক প্ৰথমে আই পি এল খেলাৰ অনুমতি দিব নে ৰাষ্ট্ৰীয় দলত স্থান দিব তাক লৈ এতিয়া অৱ্যাহত আছে ৰহস্য?