ইংলেণ্ড বনাম পাকিস্তান : দেওবাৰে ইংলেণ্ডত উপস্থিত হ'ব পাকিস্তান দল

ইংলেণ্ড এণ্ড ৱেল্ছ ক্ৰিকেট ব'ৰ্ডৰ পৰা নিশ্চিত কৰি কোৱা হয় যে, পাকিস্তান আৰু ইংলেণ্ডৰ মাজত হ'বলগীয়া 3 খন টেষ্ট আৰু 3 খন টি-20 মেচ শৃংখলাৰ বাবে দেওবাৰে ইংলেণ্ডত গৈ উপস্থিত হ'ব পাকিস্তান ক্ৰিকেট দল ।

স্পৰ্টছ ডেস্ক, 27 জুনঃ COVID-১৯ ৰ প্ৰাৰ্দুভাৱৰ পাচত পোন প্ৰথমবাৰৰ বাবে ইংলেণ্ড ভ্ৰমণলৈ ৰাওনা হ'ব পাকিস্তান ক্ৰিকেট দল । দেওবাৰে ইংলেণ্ডত গৈ উপস্থিত হ'ব পাকিস্তান ক্ৰিকেট দলটো । শুকুৰবাৰে এই কথা স্পষ্ট কৰিছে ইংলেণ্ড এণ্ড ৱেল্ছ ক্ৰিকেট ব'ৰ্ডে ।

উল্লেখ্য় যে, এই ইংলেণ্ড ভ্ৰমণ সূচীত পাকিস্তান দলটোৱে অহা আগষ্ট-ছেপ্তেম্বৰ মাহত 3 খন টেষ্ট আৰু 3 খন টি-20 মেচত অৱতীৰ্ণ হ'ব । শৃংখলাৰ বাবে পাকিস্তান দলটোৱে 29 জনীয়া সদস্যৰ এটি দল ঘোষণা কৰিছিল যদিও ইয়াৰ 10 গৰাকী খেলুৱৈ দেহত পোৱা যায় কৰ'ণা ভাইৰাছৰ অৱস্থিতি । যাৰ ফলত এই দহগৰাকী খেলুৱৈক এতিয়া এই শৃংখলাৰ পৰা প্ৰত্যাহাৰ কৰা হ'ব ।

পোন প্ৰথমে এই ই শৃংখলা প্ৰথমে 30 জুলাইৰ পৰা আৰম্ভ হোৱাৰ কথা আছিল যদিও কৰ'ণা ভাইৰাছৰ ফলতেই সকলো শৃংখলা পিচোৱাই দিব লগা হয় । আনহাতে ৱেষ্ট ইণ্ডিজ আৰু ইংলেণ্ডৰ বিৰুদ্ধে অহা 8 জুলাইৰ পৰা হ'বলগীয়া তিনিখন টেষ্ট মেচৰ শৃংখলাৰ অন্ত পৰিব অহা 28 জুলাইত ।

ইংলেণ্ড বনাম পাকিস্তান

পাকিস্তান আৰু ইংলেণ্ড শৃংখলাৰ নিৰ্ধাৰিত কাৰ্যসূচী এতিয়াও ঘোষণা কৰা হোৱা নাই । ইচিবিয়ে অতি সোনকালেই পাকিস্তানৰ বিৰুদ্ধে হ'বলগীয়া শৃংখলাৰ কাৰ্যসূচী ঘোষণা কৰাৰ কথা উল্লেখ কৰিছে ।

লগতে চাওকঃ ৪৫ শতাংশলৈ আভ্যন্তৰীণ বিমান যাত্ৰা বৃদ্ধি কৰাৰ সিদ্ধান্ত কেন্দ্ৰীয় চৰকাৰৰ