আই পি এলত আজিঃ দিল্লী বনাম ৰাজস্থান

পইন্ট তালিকাৰ দ্বিতীয় স্থানত থাকি লীগ পৰ্ব সামৰাৰ লক্ষ্য দিল্লী কেপিটেলছৰ

স্পৰ্টছ ডেস্ক,৪ মেঃ আই পি এলৰ ৫৩ সংখ্যক মেচত আজি দিল্লী কেপিটেলছৰ মুখামুখি হ'ব ৰাজস্থান ৰয়েলছ । দিল্লীৰ ফিৰোজ শ্বাহ কোটলা ষ্টেডিয়ামত সন্ধিয়া ৮ বজাৰ পৰা অনুষ্ঠিত হব খেল খন ।

খেলখনত জয়লাভেৰে লীগ পৰ্ব সামৰাৰ লক্ষ্য় দিল্লী কেপিটেলছৰ । আনহাতে,প্লে' অফলৈ যোগ্যতা অৰ্জনৰ আশা ক্ষীণ যদিও খেলখনত জয়লাভ কৰি এই দৌৰত বৰ্তি থাকিব বিচাৰিছে ৰাজস্থান ৰয়েলছ দলে । খেলখনত জয়লাভ কৰিলে অন্য দলসমূহৰ ফলাফলে নিৰ্ণয় কৰিব ৰাজস্থান ৰয়েলছৰ প্লে অফ খেলাৰ ভাগ্য । ইতিমধ্যে, বিশ্বকাপৰ প্ৰস্তুতিৰ বাবে অষ্ট্ৰেলিয়ালৈ উভতিছে ষ্টিভ স্মীথ । তেনেক্ষেত্ৰত, পুনৰ আজ্যাংকা ৰাহানেই নেতৃত্ব দিব ৰাজস্থান ৰয়েলছক ।

আনহাতে, আঘাতৰ লগতে বিশ্বকাপৰ প্ৰস্তুতিৰ বাবে স্বদেশলৈ উভতিছে দিল্লী কেপিটেলছ দলৰ মূখ্য় বলাৰ ৰাবাডা । এই পৰ্যন্ত আই পি এলত ২৫ টা উইকেট দখলেৰে শীৰ্ষত আছিল দক্ষিণ আফ্ৰিকাৰ বেগী বলাৰ গৰাকী । ৰাবাডাৰ অনুপস্থিতিত দলটোৰ বলিং প্ৰদৰ্শন নিৰ্ভৰ কৰি অমিত মিশ্ৰ আৰু ঈশান্ত শৰ্মাৰ ওপৰত ।