মুক্তিৰ প্ৰথমটো দিনত 12.06 কোটি অৰ্জন ষ্টুডেণ্ট অফ দ্যা ইয়েৰ 2ৰ

মুক্তিৰ এদিনত অধিক টকা অৰ্জন কৰা টাইগাৰ শ্ৰফ অভিনীত দ্বিতীয়খন শ্ৰেষ্ঠ ছবি ষ্টুডেণ্ট অফ দ্যা ইয়েৰ 2

এন্টাৰটেইনমেন্ট ডেক্স, 11 মে' : মুক্তিৰ প্ৰথমটো দিনত ছবিগৃহত বিশেষ সফলতা লাভ কৰবলৈ সক্ষম হৈছে টাইগাৰ শ্ৰফ, অনন্যা পাণ্ডে আৰু টাৰা চুটাৰিয়া অভিনীত ছবি ষ্টুডেণ্ট অফ দ্যা ইয়েৰ 2৷ পুণীত মলহোট্ৰাৰ পৰিচালনাত নিৰ্মিত ছবিখনে মুক্তিৰ এদিনত অৰ্জন কৰে 12.06 কোটি৷

ইয়াৰ উপৰিও মুক্তিৰ প্ৰথমটো দিনত অধিক টকা অৰ্জন কৰা টাইগাৰ শ্ৰফ অভিনীত দ্বিতীয়খন শ্ৰেষ্ঠ ছবি হিচাপেও বিবেচিত হৈছে কৰণ জোহাৰৰ প্ৰযোজনাত নিৰ্মিত ছবিখন৷ উল্লেখ্য যে, টাইগাৰ শ্ৰফ অভিনীত বিগত বৰ্ষত মুক্তি লাভ কৰা ছবি বাঘী2-এ মুক্তিৰ এদিনত 25.10 কোটি অৰ্জন কৰাৰ বিপৰিতে 2016 বৰ্ষত ছবিগৃহলৈ অহা বাঘী ছবিয়ে অৰ্জন কৰিছিল 11.94 কোটি ৷ 2016 বৰ্ষতে মুক্তি লাভ কৰা অভিনেতাগৰাকীৰ আন এখন ছবি ফ্লায়িং জেটে 7.10 কোটি আৰু 2017 বৰ্ষত মুক্তি লাভ কৰা মুন্না মাইকেল ছবিয়ে 6.65 কোটি অৰ্জন কৰিছিল ৷ তদুপৰি অভিনেতা টাইগাৰ শ্ৰফ অভিনীত প্ৰথমখন ছবি হিৰোপন্তীয়ে মুক্তিৰ এদিনত অৰ্জন কৰিছিল 6.63 কোটি ৷ বাণিজ্যিক বিশ্লেষক তৰণ আদৰ্শে টুইটাৰযোগে প্ৰকাশ কৰা এই তথ্য অনুসৰি ষ্টুডেণ্ট অফ দ্যা ইয়েৰ 2 ছবিখন টাইগাৰ শ্ৰফ অভিনীত আন এখন সফল ছবি ৷