লক ডাউনৰ মাজতে চনু চুড হৈ পৰিল ৰিলেশ্বনশ্বিপ গুৰু

চনু চুড বৰ্তমান সময়ত খুবেই সমাদৃত হৈছে নিজৰ ভাল কামৰ বাবে ৷ বহুতো প্ৰৱাসী শ্ৰমিকক নিজ গৃহলৈ যোৱাৰ ব্যৱস্থা কৰি দিছে অভিনেতাগৰাকীয়ে ৷ ইয়াৰ সমান্তৰালভাৱে লক ডাউনৰ সময়খিনিত অভিনেতাগৰাকী হৈ পৰিল ৰিলেশ্বনশ্বিপ গুৰু ৷ প্ৰেমিক যুগলক দি আছে সম্বন্ধ বচোৱাৰ উপদেশ ৷

চিটাৰা ডেস্ক, 8 জুনঃ প্ৰৱাসী শ্ৰমিকক ঘৰলৈ পঠিওৱাৰ ক্ষেত্ৰত যথেষ্ট সুবিধা কৰি দিছে জনপ্ৰিয় অভিনেতা চনু চুডে ৷ ইয়াৰ মাজতেই অভিনেতাগৰাকী হৈ পৰিছে ৰিলেশ্বনশ্বিপ গুৰু ৷ তেওঁ প্ৰেমিক যুগলক দি আছে সম্বন্ধ বচোৱাৰ উপদেশ ৷

গুৱাহাটীত থকা এগৰাকী হাৰিয়ানাৰ মানুহে লিখিছিল," প্ৰিয় ছাৰ,মই অসমৰ গুৱাহাটীত আছো আৰু হাৰিয়ানাৰ ৰেৱাৰীৰ নিজৰ টাউনলৈ যাব বিচাৰিছো ৷ লক্ ডাউনৰ পিছত বহুত সমস্যাৰ সন্মুখীন হৈছো ৷ এই পৰ্যন্ত হৈছে,বৰ্তমান মোৰ পত্নীৰ লগত কাজিয়া হৈ গৈছে বৰ্তমান দুয়োৱে আমি বিবাহ বিচ্ছেদ কৰিব বিচাৰো ৷ অনুগ্ৰহ কৰি মোক গুৱাহাটীৰ পৰা দিল্লীলৈ যোৱাৰ কিবা এটা ব্যৱস্থা কৰক ৷ মই গোটেই জীৱন আপোনাৰ কৃতজ্ঞ হৈ ৰ'ম ৷"

এই প'ষ্টটোৰ সুন্দৰ ৰিপ্লাই দিছে অভিনেতাগৰাকীয়ে ৷ তেওঁ কৈছে," অনুগ্ৰহ কৰি কাজিয়া নকৰিব,এই কঠিন পৰিস্থিতিয়ে অমূল্য সম্বন্ধত প্ৰভাৱ পেলাইছে ৷ মই কথা দিছো আপোনালোক দুয়োকে মই ডিনাৰ কৰিবলৈ বাহিৰলৈ লৈ যাম আৰু ভিডিঅ' কলৰ জৰিয়তে আপোনাৰ লগত কথা পাতিম,কিন্তু তেতিয়াহে পাতিম যেতিয়া দুয়োৱে একেলগা থকাৰ প্ৰতিশ্ৰুতি দিব ৷"

তেওঁ এই কঠিন সময়ত সহায়ৰ হাত আগবঢ়োৱাৰ লগে লগে মানুহক কথাৰেও সমস্যাৰ সমাধান কৰাৰ চেষ্টা কৰিছে ৷

লগতে পঢ়কঃ ওটিটি প্লেলফৰ্মত মুকলি নহয় কংগানা ৰাণাৱটৰ আহিবলগীয়া ছবি 'থালাইভি'