এণ্টাৰটেইনমেণ্ট ডেস্ক, ২ জুনঃ কোভিড ১৯ৰ সংকটৰ সময়ত অতীত স্মৃতি ৰোমন্থন কৰি অভিনেত্ৰী কাজলে মঙলবাৰে ছ'চিয়েল মিডিয়াত শ্বেয়াৰ কৰে এখন ফটো । বলীউডৰ জনপ্ৰিয় ছবি 'Dilwale Dulhania Le Jayenge'ৰ সেউজীয়া লেহেঙ্গা পৰিধান কৰা এখন ফটো শ্বেয়াৰ কৰিলে অভিনেত্ৰীগৰাকীয়ে। ছবিখনত সীমৰণৰ চৰিত্ৰত অভিনয় কৰিছিল কাজলে।
'যেতিয়া আমি এনেদৰে কাপোৰ পিন্ধি বাহিৰলৈ গৈছিলো' বুলি কেপচন লিখি ইনষ্টাগ্ৰামত ফটোখন শ্বেয়াৰ কৰি নষ্টালজিক হৈ পৰে ৪৫ বছৰীয়া অভিনেত্ৰীগৰাকী। 'Dilwale Dulhania Le Jayenge' ছবিখনৰ 'মেহেন্দী লগাকে ৰাখনা' শীৰ্ষক জনপ্ৰিয় গীতটোত এই ৰূপত দেখিবলৈ পোৱা গৈছিল সীমৰণক।