ভূপালৰ ভোটাৰক কি আহ্বান ফাৰহান আখটাৰৰ?

অভিনেতাগৰাকীয়ে ৰাইজক পুনৰ আন এক ভূপাল ট্ৰেজেডীৰ পৰা চহৰখনক ৰক্ষা কৰিবলৈ আহ্বান জনায় ৷ প্ৰজ্ঞা ঠাকুৰক ভোট নিদিবলৈও আহ্বান জনায় ফাৰহান আখটাৰে৷ ফাৰহানৰ এই টুইটৰ পাচতেই চ'ছিয়েল মিডিয়াত প্ৰতিক্ৰিয়াৰ সৃষ্টি হৈছে ৷

নিউজ ডেস্ক, 19মে': দেওবাৰৰ অন্তিম পৰ্যায়ৰ নিৰ্বাচনত অভিনেতা ফাৰহান আখটাৰে টুইটাৰযোগে ভূপালৰ ভোটাৰসকলক জনোৱা আহ্বানে বিতৰ্কৰ সৃষ্টি কৰিছে ৷ অভিনেতাগৰাকীয়ে ৰাইজক পুনৰ আন এক ভূপাল ট্ৰেজেডীৰ পৰা চহৰখনক ৰক্ষা কৰিবলৈ আহ্বান জনায় ৷ প্ৰজ্ঞা ঠাকুৰক ভোট নিদিবলৈও আহ্বান জনায় ফাৰহান আখটাৰে৷ ফাৰহানৰ এই টুইটৰ পাচতেই চ'ছিয়েল মিডিয়াত প্ৰতিক্ৰিয়াৰ সৃষ্টি হৈছে ৷ কিয়নো ভূপালত 12 মে'ত অনুষ্ঠিত হৈছিল ভোটগ্ৰহণ৷ যাৰ বাবে দেওবাৰে অন্তিম পৰ্যায়ৰ নিৰ্বাচনত ভোটদান সন্দৰ্ভত টুইট কৰি অনুৰাগী তথা সাধৰণ ৰাইজৰ কঠোৰ বাক্যবাণৰ সন্মুখীন হৈছে অভিনেতাজন ৷