আহি আছে অজয় দেৱগণ আৰু সিদ্ধাৰ্থ ৰয়ৰ হাস্যধৰ্মী ছবি 'গোবৰ'

অজয় দেৱগণে সিদ্ধাৰ্থ ৰয় কাপুৰৰ সৈতে এক ব্যংগাত্মক ছবি 'গোবৰ' নিৰ্মাণ কৰিব । এই হাস্যৰসিকৰ ছবিখনে দৰ্শকৰ বিপুল সমাদৰ লাভ কৰিব বুলি কয় অভিনেতা অজয় দেৱগণে ।

চিটাৰা ডেস্ক, ১৬ এপ্ৰিল: দ্যা বিগ বুলৰ পাচত, অজয় দেৱগণে সিদ্ধাৰ্থ ৰয় কাপুৰৰ সৈতে এক ব্যংগাত্মক ছবি নিৰ্মাণ কৰিবলৈ সাজু হৈছে । দুয়োগৰাকী তাৰকাই যুটীয়াভাৱে আহিবলগীয়া ব্যংগাত্মক ছবি 'গোবৰ' নিৰ্মাণ কৰিব । এক সাক্ষাৎকাৰত এই কথা প্ৰকাশ কৰে অজয় দেৱগণে । এই হাস্যৰসিকৰ ছবিখনে দৰ্শকৰ বিপুল সমাদৰ লাভ কৰিব বুলিও কয় অভিনেতাগৰাকীয়ে ।

লগতে সিদ্ধাৰ্থ ৰয় কাপুৰে কয় যে এই ছবিখন সম্পূৰ্ণ মনোৰঞ্জনধৰ্মী হ'ব । দৰ্শকে ছবিখন নিশ্চয়কৈ আদৰি ল'ব বুলিও কয় । ছবিখন বিজ্ঞাপন ছবি নিৰ্মাতা শ্বাবল শ্বেখাৱতে পৰিচালনা কৰিব লগতে সম্বিত মিশ্ৰৰ সৈতে ছবিখনৰ চিত্ৰনাট্যও লিখিব । চলিত বৰ্ষৰ শেষৰ পিনে ছবিখন মুক্তিলাভ কৰাৰ সম্ভাৱনা কৰা হৈছে । ইফালে, অজয় দেৱগণে বৰ্তমান তেওঁৰ পৰিচালনা কৰা ছবি মে'ডেত ব্যস্ত হৈ আছে । ছবিখনত অমিতাভ বচ্চনৰ লগতে ৰাকুল প্ৰীত সিঙেও অভিনয় কৰিছে ।

লগতে পঢ়ক: হ্ৰদৰ চহৰ উদয়পুৰত অভিনেত্ৰী জাহ্নৱী কাপুৰ