আমেৰিকাৰ উপ ৰাষ্ট্ৰপতি মাইক পেন্সৰ কাৰ্যালয়ৰ পাঁচ সহযোগী ক'ভিড পজিটিভ

আমেৰিকাৰ উপ ৰাষ্ট্ৰপতি মাইক পেন্সৰ কাৰ্যালয়ৰ চীফ্ অফ্ ষ্টাফ মাৰ্ক শাৰ্ট আৰু উপদেষ্টা মাৰ্টী অ'ৱষ্টোসহ পাঁচ সহযোগী ক'ভিড পজিটিভ ৷ সম্প্ৰতি ৰাষ্ট্ৰপতি ড'ণাল্ড ট্ৰাম্প ক'ভিড মুক্ত ৷

ইন্টাৰনেশ্য়নেল ডেস্ক,26 অক্টোবৰ:আমেৰিকাৰ উপ ৰাষ্ট্ৰপতি মাইক পেন্সৰ কাৰ্যালয়ৰ পাঁচ সহযোগী ক'ভিড পজিটিভ ৷ তাৰ ভিতৰত চীফ্ অফ্ ষ্টাফ মাৰ্ক শাৰ্ট আৰু উপদেষ্টা মাৰ্টী অ'ৱষ্টো ক'ভিডত আক্ৰান্ত হয় ৷ এক সুত্ৰই আশংকা কৰা মতে,অনাগত দিনত উপ ৰাষ্ট্ৰপতি কাৰ্যালয়ৰ আৰু অধিক লোক ক'ভিডত আক্ৰান্ত হ'ব ৷ কিয়নো দৈনিক কাৰ্যালয়টোলৈ বহু লোকৰ আহ যাহ হয় ৷ ইতিমধ্য়ে মাইক পেন্সৰ জ্য়েষ্ঠ ৰাজনৈতিক উপদেষ্টাৰ লগতে আন তিনিজন কৰ্মচাৰীও ক'ভিডত আক্ৰান্ত হৈছে ৷ সম্প্ৰতি উপ ৰাষ্ট্ৰপতি কাৰ্যালয়ৰ কিমানজন সদস্য় ক'ভিড আক্ৰান্ত হৈছে তাৰ তথ্য় এতিয়াও ৰাজহুৱা কৰা নাই ৷ ইয়াৰ আগতে মাৰ্কিন ৰাষ্ট্ৰপতি ড'ণাল্ড ট্ৰাম্প ক'ভিড আক্ৰান্ত হৈছিল ৷ 2 অক্টোবৰত ৱাল্টৰ ৰীড্ মিলীটাৰী হাস্পতালত ভৰ্তি কৰোৱা হৈছিল ৷ এক দীঘলীয়া সময়ৰ পাছত ট্ৰাম্প আৰু তেওঁৰ পত্নীৰ দেহত কৰ'ণা ভাইৰাছৰ উপস্থিতি ধৰা পৰিছিল ৷ উল্লেখ্য় যে,এই সপ্তাহত পেন্স আৰু পেন্সৰ পত্নীয়ে ক'ভিড পৰীক্ষা কৰিছিল যদিও ফলাফল নিগেটিভ আহিছিল বুলি পেন্সৰ মুখপাত্ৰ ডেৱিন ও'ম্য়ালিয়ে জনাই ৷ হোৱাইত হাউচৰ চিকিৎসক ডা৹ শন কনলিয়ে 12 অক্টোবৰত ঘোষণা কৰিছিল যে সম্প্ৰতি ৰাষ্ট্ৰপতি ড'ণাল্ড ট্ৰাম্প ক'ভিড মুক্ত হৈছে ৷

লগতে পঢ়ক:পাকিস্তানৰ পিডিএমৰ ৰেলীক ‘ঠগ’ আখ্যা বিৰোধী দলৰ নেতাৰ