চিটাৰা ডেস্ক, 26 মে’: অনুৰাগ কাশ্যপৰ পৰিচালিত ‘কেনেডী’ ছবিখনৰ প্ৰিমিয়াৰ হৈছিল ৭৬ সংখ্যক কাঁ চলচ্চিত্ৰ মহোৎসৱত, য’ত গ্ৰেণ্ড লুমিয়েৰ থিয়েটাৰত দৰ্শকৰ পৰা সাত মিনিটৰ ষ্টেণ্ডিং অভেচন লাভ কৰিছিল । মহোৎসৱৰ ইউটিউব চেনেলত কেনেডীৰ প্ৰিমিয়াৰৰ স্থানৰ পৰা এটা ভিডিঅ’ আপলোড কৰা হয় । দৰ্শকে হাত চাপৰি বজোৱাৰ লগে লগে ছবিখনৰ অভিনেতা ৰাহুল ভাট আৰু ছানী লিয়নি আৱেগিক হৈ পৰে, আনহাতে অনুৰাগ কাশপ্যৰ মুখত প্ৰাপ্তিৰ হাঁহি দেখা যায় (Teary eyed sunny Leone hugs Anurag kashyap) ৷
উপস্থিত সকলোকে উষ্ম আদৰণি জনোৱাৰ বাবে ক্ৰুৱে ধন্যবাদ জনায় (Sunny Leone hugs Anurag Kashyap in tears) । ইফালে ছানীয়ে অনুৰাগক আশ্বস্ত কৰিলে, "আপুনি কৰি দেখুৱালে" আৰু লগতে ক'লে, "হয়, মই কান্দি থকা নাই ।" ইয়াৰ পিচতে দলটোৱে ইগৰাকীয়ে সিগৰাকীক সাৱটি ধৰি অভিনন্দন জনায় (Kennedy at cannes 2023)।
গ্ৰেণ্ড ৰিচেপচনৰ পিচত অনুৰাগে দৰ্শকৰ মাজত উপস্থিত থকা চলচ্চিত্ৰ নিৰ্মাতা সুধীৰ মিশ্ৰৰ কাষ চাপিছিল আৰু তেওঁৰ ভৰি চুইছিল । তাৰ পিচত দুয়োজনে ইজনে সিজনক সাৱটি ধৰে ৷ এইখিনিতে উল্লেখ কৰো যে কেনেডী ছবিখন অনুপ্ৰাণিত হৈছিল সুধীৰ মিশ্ৰই বহু বছৰৰ আগতে অনুৰাগক কোৱা এটা কাহিনীৰ পৰা (Sunny leone at cannes 2023) ।