Tiger 3 Advance Booking: টাইগাৰ ৩ ৰ এডভান্স বুকিং আৰম্ভ; পাঠানৰ অভিলেখ ভংগ কৰিব নেকি টাইগাৰ 3 এ ?

আজিৰ পৰা অৰ্থাৎ ৫ নৱেম্বৰৰ পৰা আৰম্ভ হৈছে 'টাইগাৰ ৩'ৰ এডভান্স বুকিং । আগতীয়াকৈ বুকিঙৰ প্ৰথম দিনাই মাত্ৰ কেইঘণ্টামানৰ ভিতৰতে হাজাৰ হাজাৰ টিকট বিক্ৰী কৰা হৈছে । এতিয়ালৈকে ছবিখনৰ বাবে ২৩,৮০০ বুকিং কৰা হৈছে ।

চিটাৰা ডেস্ক, 5 নৱেম্বৰ: অনুৰাগীয়ে আগ্ৰহেৰে অপেক্ষা কৰি আছে ছলমান খানৰ বহু প্ৰত্যাশিত ছবি টাইগাৰ ৩ ৰ বাবে । অহা ১২ নৱেম্বৰত দীপাৱলী উপলক্ষে ছবিগৃহত মুক্তি পাব টাইগাৰ ৩ । ছবিখনত ছলমান খানৰ সৈতে মুখ্য চৰিত্ৰত দেখা যাব কেটৰিণা কাইফ আৰু ইমৰাণ হাছমীক । ইফালে আজিৰে পৰা আৰম্ভ হৈছে আগতীয়া টিকট বুকিং প্ৰক্ৰিয়া আৰু এডবান্স বুকিঙৰ প্ৰথম দিনাই মাত্ৰ কেইঘণ্টামানৰ ভিতৰতে হাজাৰ হাজাৰ টিকট বুকিং হৈছে ।

২৩,৮০০ হাজাৰ টিকট বিক্ৰী হৈছে

আজিৰে পৰা অৰ্থাৎ ৫ নৱেম্বৰৰ পৰা আৰম্ভ হৈছে 'টাইগাৰ ৩'ৰ এডভান্স বুকিং । ছবিখনৰ এডভান্স বুকিং আৰম্ভ হোৱাৰ লগে লগে ছ’চিয়েল মিডিয়াত আলোড়নৰ সৃষ্টি হৈছে । এই সন্দৰ্ভত বাণিজ্য বিশেষজ্ঞ তথা প্ৰবীণ চলচ্চিত্ৰ সমালোচক তৰণ আদৰ্শে তেওঁৰ টুইটাৰ হেণ্ডেলৰ পৰা এটা পোষ্ট শ্বেয়াৰ কৰিছে । য’ত তেওঁ ছলমান খানৰ ছবি ‘টাইগাৰ ৩’ৰ এডভান্স বুকিং সন্দৰ্ভত এটা আপডেট দিছে । মাত্ৰ কেইঘণ্টামানৰ ভিতৰতে ছবিখনৰ বাবে ২৩,৮০০ বুকিং কৰা হৈছে ।

প্ৰতিটো ফৰ্মেটত মুক্তি লাভ কৰিব ছবিখন

2D

IMAX 2D

4DX 2D

PVR P (XL)

DBOX

ICE

4DE Motion

মুখ্য চৰিত্ৰত অভিনয় কৰিব এইসকল অভিনেতাই

এই ছবিখনত RAW এজেণ্টৰ চৰিত্ৰত অভিনয় কৰিছে ছলমান খানে । ইয়াৰ আগতেও তেওঁ দুয়োটা পাৰ্টতে RAW এজেণ্টৰ ভূমিকাত অভিনয় কৰিছিল । আনহাতে কেটৰিণা কাইফে তেওঁৰ পত্নী জোয়াৰ চৰিত্ৰত অভিনয় কৰিছে । এই ছবিখনত দেখা যাব ইমৰাণ হাছমীক খলনায়কৰ চৰিত্ৰত ।

ছবিখনত শ্বাহৰুখৰ বিশেষ ভূমিকা

শ্বাহৰুখ খানৰ অভিনীত "পাঠান"ৰ পিচত, "টাইগাৰ ৩"ত ছলমানে নিজৰ পৰিয়াল আৰু দেশ দুয়োকে বচাব । কুমুদ মিশ্ৰ, ৰেৱতী, ৰিদ্ধি ডোগ্ৰা আৰু অনন্ত বিধাতৰ সৈতে ছবিখনত ইমৰাণ হাছমীয়েও খলনায়কৰ চৰিত্ৰত অভিনয় কৰিছে । আদিত্য চোপ্ৰাৰ প্ৰযোজনাত এয়া হ’ব YRF ৰ স্পাই ইউনিভাৰ্ছৰ পঞ্চমখন ছবি “টাইগাৰ ৩” ৷ কোৱা হৈছে যে এই ছবিখনত বিশেষ কেমিঅ’ত দেখা যাব শ্বাহৰুখ খানক ৷

লগতে পঢ়ক:Ranbir Kapoor: অৰিজিতৰ কনচাৰ্টত ৰণবীৰ কাপুৰৰ হঠাৎ এন্ট্ৰি, চান্না মেৰেয়া গীতত কৰিলে নৃত্য