কলিয়াবৰত দ‍্য কৰবেট্ ফাউণ্ডেশ‍্যনৰ কৃষকলৈ সাহায‍্য

এই অঞ্চলত ১০০ ঘৰ কৃষক পৰিয়ালে বছৰি প্ৰায় ২০০০ হাজাৰ বিঘা মাটিত খেতি কৰি আহিছিল । কিন্তু সম্প্ৰতি অঞ্চলটোত দিনক-দিনে বৃদ্ধি পোৱা হাতী-মানুহৰ ভয়ংকৰ সংঘাতে চিন্তিত কৰি তুলিছিল কৃষক ৰাইজক ।

কলিয়াবৰ, 19 আগষ্ট :কলিয়াবৰত হাতী-মানুহৰ সংঘাতৰ পীড়িতলৈ সাহায‍্য প্ৰদান কৰে এটা বেচৰকাৰী সংস্থাই ৷ ৰাজ্যত ক্ৰমাৎ বৃদ্ধি পোৱা হাতী-মানুহৰ সংঘাত ৰোধ কৰাৰ উদ্দেশ্যেৰে 'দ্য কৰবেট ফাউণ্ডেশ্যন', নামৰ বেচৰকাৰী সংগঠনৰ উদ্যোগত কাজিৰঙা ৰাষ্ট্ৰীয় উদ্যানৰ দাঁতি-কাষৰীয়া তেঁতুলগুৰি আৰু চিকনি চাহ-বাগিছাৰ কৃষক ৰাইজৰ মাজত টঙী নিৰ্মাণৰ সামগ্ৰীৰ লগতে কৃষক ৰাইজক উচ্চ ক্ষমতাসম্পন্ন অত্যাধুনিক টৰ্চলাইট প্ৰদান কৰিছে ।

উল্লেখযোগ্য যে, এই অঞ্চলত ১০০ ঘৰ কৃষক পৰিয়ালে বছৰি প্ৰায় ২০০০ হাজাৰ বিঘা মাটিত খেতি কৰি আহিছিল । কিন্তু সম্প্ৰতি অঞ্চলটোত দিনক-দিনে বৃদ্ধি পোৱা হাতী-মানুহৰ ভয়ংকৰ সংঘাতে চিন্তিত কৰি তুলিছিল কৃষক ৰাইজক । নিজৰ খেতিডৰাৰ ফচল ৰক্ষা কৰাৰ উদ্দেশ্যে কৃষক ৰাইজে এনেদৰে এতিয়া টঙী ঘৰ নিৰ্মাণ কৰি দিনে-নিশা পহৰা দিয়াৰ ব্যৱস্থা কৰিছে ।

কলিয়াবৰত দ‍্য কৰবেট্ ফাউণ্ডেশ‍্যনৰ কৃষকলৈ সাহায‍্য

এই ক্ষেত্ৰত কাজিৰঙাৰ অন্যতম বেচৰকাৰী সংস্থা 'দ্যা কৰবেট্ ফাউণ্ডেশ্যনে' কৃষক ৰাইজক যোগান ধৰিছে টিনপাত আৰু উচ্চ ক্ষমতা সম্পন্ন অত্যাধুনিক টৰ্চলাইট । যাৰ ফলত এতিয়াৰে পৰা এইসকল কৃষকে নিজৰ খেতিডৰা ৰক্ষা কৰি ফচল উৎপাদন কৰাত যথেষ্ট উপকৃত হ'ব ৷

লগতে পঢ়ক :মই কিন্তু হাতী এৰি নিদিওঁ: ৰমেন্দ্ৰ নাৰায়ণ কলিতা