3 বজাৰ শীৰ্ষ 10 টা বাতৰি

3 বজাৰ শীৰ্ষ 10 টা বাতৰি

মণিপুৰত প্ৰথম পৰ্যায়ৰ নিৰ্বাচনৰ পূৰ্বে কংগ্ৰেছত অথন্তৰ ৷ ৱাংগোই সমষ্টিৰ পৰা প্ৰাৰ্থী ছালাম জয় সিঙক নিলম্বন দলৰ (Congress Expels Salam Joy Singh on Disciplinary Grounds) । সমষ্টিটোত বিজেপি প্ৰাৰ্থীক সহায় কৰাৰ সন্দেহ ৷

যুদ্ধ বিধ্বস্ত ইউক্ৰেইনত আৱদ্ধ বহু ভাৰতীয় শিক্ষাৰ্থী । বহু সংখ্যকক ইতিমধ্যে কৰা হৈছে উদ্ধাৰ । কিন্তু ইউক্ৰেইন সীমান্তত কি পৰিস্থিতিৰ সন্মুখীন হৈছে শিক্ষাৰ্থীসকল । জানিবলৈ পঢ়ক এই প্ৰতিবেদন ।

ৰাজ্যখনৰ দুটা পৃথক পৃথক কেন্দ্ৰত নিৰ্বাচনী হিংসা ৷ এটা কেন্দ্ৰত শিলগুটি নিক্ষেপ আৰু গুলীচালনাৰ ঘটনা ৷ আনহাতে আন এটা কেন্দ্ৰত কংগ্ৰেছ-বিজেপি কৰ্মীৰ মাজত বুথ দখলৰ অভিযোগত সংঘৰ্ষ ৷

দেওবাৰে গুৱাহাটীত মুক্তি দিয়া হয় হিন্দী চুটি ছবি ‘মায়া’ (Hindi Short film Maya Release) ৷ ডাইনী হত্যা, অন্ধবিশ্বাসকে ধৰি বিভিন্ন কু-সংস্কাৰৰ বিৰুদ্ধে জনসাধাৰণক সজাগ কৰোৱাৰ মানসেৰে নিৰ্মাণ কৰা হৈছে ছবিখন ৷

ৰাষ্ট্ৰসংঘৰ সাধাৰণ সভাই আহ্বান জনোৱা "জৰুৰীকালীন বিশেষ অধিৱেশন" খনৰ সিদ্ধান্ত ভোটদানৰ জৰিয়তে লোৱা হয় ৷ 15 খন সদস্য ৰাষ্ট্ৰৰ 11 খনে ইয়াৰ সপক্ষে ভোট দিয়াৰ বিপৰীতে কেৱল ৰাছিয়াই বিৰুদ্ধে ভোট দিছিল । আনহাতে চীন, ভাৰত আৰু সংযুক্ত আৰৱ গণৰাজ্য ভোটদানৰ পৰা বিৰত আছিল ।

তৃতীয় আৰু চতুৰ্থ শ্ৰেণীৰ পদৰ বাবে নিজাববীয়াকৈ পৰীক্ষা অনুষ্ঠিত বা নিযুক্তি দিব নোৱাৰিব ৰাজ্য চৰকাৰৰ অধীনস্থ বিভাগে । ৰাজ্যিক কেবিনেটে গ্ৰহণ কৰা এক সিদ্ধান্তৰ আধাৰত সকলো বিভাগৰ তৃতীয় আৰু চতুৰ্থ শ্ৰেণীৰ পদৰ নিযুক্তিৰ বাবে গঠন কৰা হৈছে এখন বিশেষ আয়োগ ।

প্ৰধানমন্ত্ৰী নৰেন্দ্ৰ মোডীয়ে সোমবাৰে অনুষ্ঠিত হ’বলগীয়া ইউক্ৰেইনৰ সংকট সন্দৰ্ভত এখন উচ্চ পৰ্যায়ৰ বৈঠকত অধ্যক্ষতা কৰিব (PM Modi to chair a high level meeting on Ukraine today) ৷ এই সন্দৰ্ভত একাংশ মন্ত্ৰীয়ে আলোচনা কৰাৰ অৰ্থে চুবুৰীয়া দেশসমূহলৈ ভ্ৰমণ কৰাৰ সম্ভাৱনা আছে ৷

ৰাছিয়া-ইউক্ৰেইন সংঘৰ্ষক লৈ চিন্তিত সমগ্ৰ বিশ্ব ৷ ৰাষ্ট্ৰ দুখনৰ মাজৰ সংঘৰ্ষক লৈ ভাৰতৰ স্থিতি স্পষ্ট কৰি দিছে কেন্দ্ৰীয় প্ৰতিৰক্ষা মন্ত্ৰী ৰাজনাথ সিঙে ৷ প্ৰধানমন্ত্ৰী মোডীৰ ভূমিকাক প্ৰশংসা প্ৰতিৰক্ষা মন্ত্ৰীগৰাকীৰ ।

সংবাদ শীৰ্ষত ইউক্ৰেইনত থকা ভাৰতৰ জীয়ৰী নেহা চাংৱান ৷ হাৰিয়ানাৰ 17 বছৰীয়া যুৱতীগৰাকীয়ে যুদ্ধৰ সময়ত (Russia Ukraine Conflict) দেশখনৰ পৰা ভাৰতলৈ ঘূৰি আহিব বিচৰাৰ (Neha Sangwan refuses to leave Ukraine) পৰিৱৰ্তে তাতে থাকিব বিচাৰে ৷ ৰাছিয়াৰ সৈতে চলি থকা যুদ্ধৰ সময়ত নেহাই বাস কৰা পিজি-টোৰ ঘৰৰ গৰাকীয়ে স্বেচ্ছাই ইউক্ৰেইনৰ সেনাবাহিনীত যোগদান কৰি দেশৰ হকে সেৱা আগবঢ়াইছে ৷ সেয়েহে যুৱতীগৰাকীয়ে পৰিয়ালটোৰ মুৰব্বীগৰাকীৰ অনুপস্থিতিত তিনিটাকৈ শিশুৰ দায়িত্ব লয় ৷

সংবাদমেলত সৰৱ প্ৰদেশ কংগ্ৰেছৰ মুখপাত্ৰ দিলীপ কুমাৰ শৰ্মা। কাগজ কলৰ ৫০০০ কোটি টকীয়া সম্পত্তি ৩৭৫ কোটি টকাৰ পানীৰ দৰত বিক্ৰী কৰিব বিচৰা হৈছে(Auction price of paper mills reduced) । ইয়াৰ আঁৰত নিশ্চয় ষড়যন্ত্র আছে।