বাইহাটা, 14 মে' : কামৰূপ জিলাৰ কমলপুৰ সমষ্টিৰ বিধায়ক দিগন্ত কলিতাৰ অভিনৱ পদক্ষেপ । বুধবাৰে পুঠিমাৰি নৈৰ বালি মাটিৰ খননকাৰ্য বিধায়ক গৰাকীয়ে নিজে পৰিদৰ্শন কৰে ৷ বালি মাটি কটাৰ ক্ষেত্ৰত বৈধ নথি পত্ৰ আছে যদিও হিচাপতকৈ অধিক মাটি কাটি নিয়াৰ কথা উল্লেখ কৰে বিধায়কগৰাকীয়ে । ইয়াৰোপৰি যিবিলাক বাহন বালি কঢ়িওৱাৰ বাবে ব্যৱহাৰ কৰে সেইবোৰৰ সৰহ ভাগৰে নথি-পত্ৰ নথকা বুলিও উল্লেখ কৰে বিধায়কগৰাকীয়ে ।
পুঠিমাৰী নৈৰ বালি খনন কাৰ্য পৰিদৰ্শন কমলপুৰৰ বিধায়কৰ
নদীৰ বালি মাটি কঢ়িওৱা ডাম্পাৰ, ট্ৰেক্টৰসমূহ মঠাউৰিৰ ওপৰেৰে চলোৱাৰ ফলত মঠাউৰিটো নষ্ট হোৱা বুলি উল্লেখ কৰে বিধায়ক দিগন্ত কলিতাই । সেয়ে বন বিভাগ আৰু জলসম্পদ বিভাগৰ উচ্চপদস্থ বিষয়াৰ লগতে কমলপুৰ ৰাজহ চক্ৰ বিষয়া গৰাকীক লগত লৈ নিজে খননকাৰ্য পৰদৰ্শন কৰে বিধায়ক গৰাকীয়ে আৰু তাৎক্ষনিকভাৱে নৈৰ বালি, মাটি কটাতো বন্ধ কৰি দিয়ে ।