গুৱাহাটী,৮জুন : শনিবাৰে গুৱাহাটী মহানগৰীৰ কলাক্ষেত্ৰত 'skill Van' নামৰ এখন আঁচনি মুকলি কৰা হয় । আঁচনিখন মুকলি কৰে মুখ্যমন্ত্ৰী সৰ্বানন্দ সোণোৱাল, মন্ত্ৰী পল্লব লোচন দাস আৰু নবনিৰ্বাচিত কেন্দ্ৰীয় মন্ত্ৰী ৰামেশ্বৰ তেলীয়ে । অজিত আকাশ ভেন্সাৰ প্ৰাইভেট লিমিটেডৰ উদ্যোগত 'skill Van' নামৰ আঁচনিখন মুকলি কৰা হয় ।
উল্লেখযোগ্য যে, বিগত বৰ্ষত ৯৩৬১ গৰাকী ছাত্ৰ ছাত্ৰীক বিভিন্ন ক্ষেত্ৰত দক্ষতা বিকাশৰ বাবে প্ৰশিক্ষণ প্ৰদান কৰিছে অজিত আকাশ ভেন্সাৰ প্ৰাইভেট লিমিটেডে । 'Assam skill development' ৰ অধীনত গ্ৰহণ কৰা এই আঁচনিৰ দ্বাৰা চলিত বৰ্ষত বিভিন্ন গাঁৱত দক্ষতা বিকাশৰ বাবে এই 'skill van' লৈ যোৱা হ'ব আৰু বিভিন্ন ক্ষেত্ৰত দক্ষতা থকা গাঁৱৰ ছাত্ৰ-ছাত্ৰীসকলক দক্ষতা বিকাশৰ প্ৰশিক্ষণ দিয়া হ'ব এই 'skill Van' ৰ জৰিয়তে ।
