গুৱাহাটীত গাঞ্জাসহ এজন যুৱকক গ্ৰেপ্তাৰ

গুৱাহাটী ৰেলৱে ষ্টেচনত গাঞ্জাসহ এজন যুৱকক গ্ৰেপ্তাৰ কৰে আৰক্ষীয়ে ৷ গাঞ্জাখিনিৰ বজাৰ মূল্য তিনি লাখ ৷

গুৱাহাটী,30আগষ্ট : শুকুৰবাৰে পুৱা ৰেল আৰক্ষীয়ে নিয়মীয়া তালাচী অভিযানত গুৱাহাটী ৰেলৱে ষ্টেচনৰ তিনি নম্বৰ প্লেটফৰ্মৰ পৰা 30 কেজি ওজনৰ গাঞ্জাসহ এজন যুৱকক গ্ৰেপ্তাৰ কৰে।গ্ৰেপ্তাৰ কৰা যুৱকজন ত্ৰিপুৰাৰ মহম্মদ ৰূপন মিঞা ৷ আৰক্ষী সূত্ৰই প্ৰকাশ কৰা অনুসৰি জব্দকৃত গাঞ্জাখিনি ত্ৰিপুৰাৰ পৰা চননীলৈ ৰেলৰ জৰিয়তে লৈ যোৱাৰ উদ্দেশ্যেৰে আনিছিল যুৱকজনে। জব্দকৃত গাঞ্জাখিনিৰ বজাৰ মূল্য তিনি লাখ টকা হ'ব বুলি জানিবলৈ দিছে। ইতিমধ্যে ঘটনা সন্দৰ্ভত NDPSৰ অধীনত এক গোচৰ ৰুজু কৰি তদন্ত অব্যাহত ৰখা হৈছে।