মৰাণ, 3 আগষ্ট :মটক জনগোষ্ঠীক জনজাতিকৰণৰ দাবীত বুধবাৰে সদৌ অসম মটক যুৱ-ছাত্ৰ সন্মিলন আৰু মটক মহিলা পৰিষদৰ উদ্যোগত চাবুৱাত কেইবাঘন্টা ধৰি ৰেলপথ অৱৰোধ কাৰ্যসূচী ৰূপায়ন কৰা হয় ৷ মটক জনগোষ্ঠী জনজাতিকৰণৰ ক্ষেত্ৰত দীৰ্ঘদিন ধৰি চৰকাৰে বঞ্চনা কৰি অহাৰ অভিযোগ তুলি সংগঠন দুটাই সাব্যস্ত কৰে এই প্ৰতিবাদ ৷
চাবুৱাত ৰেলপথ অৱৰোধ কৰিবলৈ ওলাই আহিল হাজাৰ হাজাৰ ৰাইজ
মটক যুৱ-ছাত্ৰ সন্মিলন আৰু মটক মহিলা পৰিষদে অসমৰ আলফা সমস্যাও সামাধনৰ ক্ষেত্ৰত পদক্ষেপ ল'বলৈ সংগঠনটোৱে দাবী জনাইছে । মটক জনগোষ্ঠীক শীঘ্ৰে জনজাতিকৰণ নকৰিলে পৰৱৰ্তী সময়ত তীব্ৰ আন্দোলন গঢ়ি তুলিব বুলি সংগঠনটোৰ নেতৃত্বই চৰকাৰক সকীয়নি দিয়ে । তেওঁলোকে লগতে 11 আগষ্টত দিল্লীত অৰ্ধ উলংগ কাৰ্যসূচী ৰূপায়নৰ কথা সদৰী কৰে ৷