নিউজ ডেস্ক, ১ ফেব্ৰুৱাৰী : মঙলবাৰৰ পৰা আৰম্ভ হৈছে নৰেন্দ্ৰ মোডী নেতৃত্বাধীন বিজেপি চৰকাৰৰ দ্বিতীয়টো কাৰ্যকালৰ অন্তিমখন পূৰ্ণাংগ বাজেট অধিবেশন (Union Budget 2023) । ৰাষ্ট্ৰপতিৰ ভাষণেৰে আৰম্ভ হোৱা বাজেট অধিবেশনত বুধবাৰে কেন্দ্ৰীয় বিত্ত মন্ত্ৰী নিৰ্মলা সীতাৰমণে সংসদত উত্থাপন কৰে তেওঁৰ চলিত কাৰ্যকালৰ অন্তিমখন বাজেট (Union Finance Minister Nirmala Sitaraman) । এই বাজেটত তেওঁ ভাৰতীয় ৰে'লৱেৰ বাবেও ঘোষণা কৰে কেইবাটাও গুৰুত্বপূৰ্ণ সিদ্ধান্ত (allocation for railway in Union Budget 2023) ।
বিত্ত মন্ত্ৰীয়ে নিজৰ বাজেট ভাষণত ঘোষণা কৰে যে ৰে'লৱেৰ বাবে ২.৪০ লাখ কোটি টকাৰ মূলধন ব্যয় প্ৰদান কৰা হৈছে । যিটো ২০১৩-১৪ বিত্তীয় বৰ্ষত কৰা ব্যয়ৰ প্ৰায় ন-গুণ বেছি । লোকসভাত বাজেট উত্থাপন কৰাৰ সময়ত বিত্ত মন্ত্ৰীয়ে এই কথা ঘোষণা কৰে । সীতাৰমণে কয় যে ৰে'লৱেৰ বাবে নিৰ্ধাৰণ কৰা এই ব্যয় ২০১৩-২০১৪ বৰ্ষত প্ৰদান কৰা পৰিমাণৰ ন-গুণ ।
তেওঁ কয় যে কয়লা, সাৰ আৰু খাদ্য শস্য খণ্ডৰ বাবে ১০০ টা গুৰুত্বপূৰ্ণ পৰিবহণ আন্তঃগাঁথনি প্ৰকল্প চিনাক্ত কৰা হৈছে আৰু ব্যক্তিগত উৎসৰ পৰা ১৫,০০০ কোটি টকাসহ ৭৫,০০০ কোটি টকাৰ বিনিয়োগৰ সৈতে অগ্ৰাধিকাৰ ভিত্তিত গ্ৰহণ কৰা হ'ব (Railway budget 2023) ।
আনহাতে, যাত্ৰীৰ প্ৰত্যাশা বৃদ্ধিৰ বাবে ৰে'লৱেই ৰাজধানী, শতাব্দী, দূৰন্ত, হামচফৰ আৰু তেজসৰ দৰে মুখ্য ৰে'লৰ 1,000-ৰো অধিক ডবা পুনৰ সজ্জিত কৰাৰ পৰিকল্পনা কৰিছে । এই ডবাবোৰৰ ভিতৰভাগ আধুনিক ৰূপ আৰু যাত্ৰীৰ বৰ্ধিত আৰামৰ সৈতে উন্নত কৰা হ'ব ।
ইয়াৰ উপৰি পুৰণি ট্ৰেকবোৰ সলনি কৰিবলৈ এক গুৰুত্বপূৰ্ণ আৱণ্টন কৰাৰ সম্ভাৱনা আছে । কিয়নো ৰে'লৱেই ৰে'লৰ গতি বৃদ্ধি আৰু অধিক গন্তব্য স্থানৰ বাবে বন্দে ভাৰত এক্সপ্ৰেছ (Vande Bharat Express) মুকলি কৰাৰ পৰিকল্পনা কৰিছে । পৰ্যটকসকলক আকৰ্ষিত কৰাৰ লক্ষ্যৰে ৰে'লৱেই আৰু 100 টা ভিষ্টাডম ডবা (Vistadome coaches) নিৰ্মাণৰ প্ৰস্তাৱ আগবঢ়াইছে ।
বাজেটত চৰকাৰে 35 খন হাইড্ৰ'জেন ইন্ধনচালিত ৰে'ল (government proposed to hydrogen fuel based trains), 4,500 নতুনকৈ ডিজাইন কৰা অটোমোবাইল কেৰিয়াৰ ডবা (automobile carrier coaches), 5,000 এলএইচবি ডবা (LHB coaches) আৰু 58,000 ৱাগন নিৰ্মাণৰ প্ৰস্তাৱ দিয়ে । উল্লেখ্য, ২০২২-২৩ বৰ্ষৰ কেন্দ্ৰীয় বাজেটত ৰে'লৱেক ১.৪ লাখ কোটি টকা আৱণ্টন দিয়া হৈছিল । যাৰ ভিতৰত মূলধন ব্যয়ৰ বাবে ১.৩৭ লাখ কোটি টকা আৰু ৰাজহ ব্যয়ৰ বাবে ৩,২৬৭ লাখ কোটি টকা ধাৰ্য কৰা হৈছিল ।
উল্লেখ্য, বুধবাৰে বাজেট ভাষণত বিত্ত মন্ত্ৰীয়ে উদ্যোগীসকলৰ দ্বাৰা আৰম্ভ কৰা কৃষি ষ্টাৰ্ট-আপৰ প্ৰচাৰৰ বাবে কৃষি ত্বৰক পুঁজি স্থাপনৰ কথা ঘোষণা কৰে (Agriculture Accelerator Fund to promote agri startups) । সীতাৰমণে কৃষি ঋণৰ লক্ষ্যও ২০ লাখ কোটিলৈ বৃদ্ধি কৰে । "পশুপালন, দুগ্ধজাত আৰু মীন পালনৰ ওপৰত গুৰুত্ব দি কৃষি ঋণৰ লক্ষ্য ২০ লাখ কোটি টকালৈ বৃদ্ধি কৰা হ'ব ।" সীতাৰমণে সংসদত কয় ।
বিত্ত মন্ত্ৰীগৰাকীয়ে লগতে কয় যে কৃষিৰ বাবে এক ডিজিটেল ৰাজহুৱা আন্তঃগাঁথনি (digital public infrastructure for agriculture) এক মুক্ত উৎস, মুক্ত মানদণ্ড আৰু আন্তঃকাৰ্যকৰী ৰাজহুৱা মঞ্চ হিচাপে নিৰ্মাণ কৰা হ'ব । যিয়ে শস্য পৰিকল্পনাৰ বাবে কৃষককেন্দ্ৰিক সমাধান বিকশিত কৰাত সহায় কৰিব । ইফালে অৰ্থনৈতিক সমীক্ষাত (Economic Survey) প্ৰকাশৰ এদিন পিছত এইটো ঘোষণা কৰা হৈছে যে কৃষিয়ে ভাল প্ৰদৰ্শন কৰিছে । কিন্তু জলবায়ু পৰিৱৰ্তনৰ প্ৰতিকূল প্ৰভাৱ, বৰ্ধিত আভ্যন্তৰীণ ব্যয় আদিৰ দৰে প্ৰত্যাহ্বানবোৰ অতিক্ৰম কৰিবলৈ কৃষি খণ্ডটোক "পুনৰ-অভিমুখীকৰণ"ৰ (re orientation) প্ৰয়োজন ।
লগতে পঢ়ক :Union Budget 2023 : কৃষি ষ্টাৰ্ট-আপ বৃদ্ধিৰ বাবে বিশেষ পুঁজি ঘোষণা বিত্ত মন্ত্ৰীৰ
