দুৰ্ঘটনাৰ লগতে অপৰাধৰ সংখ্য়া হ্ৰাস কৰিবলৈ ত্ৰিপুৰাত তহলদাৰী বাহন মুকলি

ত্ৰিপুৰাত যান বাহন দুৰ্ঘটনাৰ লগতে অপৰাধৰ সংখ্য়া হ্ৰাস কৰিবলৈ গ্ৰহণ কৰা হৈছে এক পদক্ষেপ । এই উদ্দেশ্য়ে ঘাইপথ তহলদাৰী বাহন মুকলি কৰে মুখ্যমন্ত্ৰী ডাঃ মানিক সাহাই(Tripura CM Dr Manik Saha)।

আগৰতলা, ২২ আগষ্ট:দেশত দিনক দিনে বৃদ্ধি পাবলৈ ধৰিছে যান-বাহনৰ দুৰ্ঘটনা (Road traffic accident in Tripura) আৰু ঘাইপথ সম্পৰ্কীয় অপৰাধৰ সংখ্য়া । এনে ধৰণৰ দুৰ্ঘটনাৰ লগতে অপৰাধৰ সংখ্য়া হ্ৰাস কৰিবলৈ ত্ৰিপুৰাত এক পদক্ষেপ গ্ৰহণ কৰা হৈছে । মুখ্যমন্ত্ৰী ডাঃ মানিক সাহাই (Tripura CM Dr Manik Saha) সোমবাৰে আগৰতলাত এনে পদক্ষেপৰ অংশৰূপে চাৰিখন ৰাষ্ট্ৰীয় ঘাইপথত তহল দিয়া বাহনৰ শুভাৰম্ভ কৰে ৷

এই উপলক্ষে আয়োজিত এক অনুষ্ঠানত মুখ্যমন্ত্ৰী ডাঃ সাহাই কয় যে পথত যান-বাহনৰ ঘটনাৰ বাবে মৃত্যুৰ হাৰ যথেষ্ট বৃদ্ধি পাইছে ৷ তেওঁ কয়, ‘‘ত্ৰিপুৰা আৰক্ষীয়ে এনে ধৰণৰ পদক্ষেপ লোৱাৰ বাবে আৰক্ষী সঞ্চালক প্ৰধানক(DGP of Tripura)ধন্যবাদ জ্ঞাপন কৰিছো। এই চাৰিখন বাহন আগৰতলা-চাব্ৰুম ৰাষ্ট্ৰীয় ঘাইপথত 24/7 কৰ্তব্যৰত থাকিব(four 24/7 Highway Patrolling vehicle)।’’ এই বাহন কেইখনে পশ্চিম ত্ৰিপুৰা, গোমতী, চেপাহিজালা আৰু দক্ষিণ ত্ৰিপুৰা জিলাক সামৰি ল'ব বুলি উল্লেখ কৰি এনেধৰণৰ টহলদাৰী পথ যান-বাহন দুৰ্ঘটনা যথেষ্ট হ্ৰাস পাব বুলি কয় ।

মুখ্যমন্ত্ৰী ডাঃ সাহাই পুনৰ কয় যে, বেছিভাগ চালকে বাহনখন নিচাগ্ৰস্ত অৱস্থাত চলায় । এই বাহনবোৰে পৰৱৰ্তী পথ দুৰ্ঘটনা বন্ধ কৰিবলৈ এই চালকসকলক সহজে বিচাৰি উলিয়াব পাৰিব । উল্লেখ্য় যে, এই বাহনখনৰ ভিতৰত ব্ৰেথিং এনালাইজাৰ(Breathing analyzer),স্পীড মেচিন(speed machines)স্থাপন কৰা হৈছে ।

মুখ্যমন্ত্ৰী ডাঃ সাহাই কয়, ‘‘ৰাজ্যখনৰ বাহিৰৰ পৰা ৰাজ্যখনত ১০,০০০তকৈও অধিক বাহন প্ৰৱেশ কৰে । প্ৰতি মাহে প্ৰায় 8 শতাংশ যান-বাহন দুৰ্ঘটনাগ্ৰস্ত হৈছে । আমি ইয়াৰ ওপৰত তীক্ষ্ণ দৃষ্টি ৰাখিছো’’ । তেওঁ আৰক্ষী সঞ্চালক প্ৰধানক এনে অপৰাধৰ সংখ্যা হ্ৰাস কৰাৰ বাবে সকলো সম্ভৱ ব্যৱস্থা ল'বলৈ নিৰ্দেশ দিয়া বুলি কয় । ভৱিষ্য়তে আৰু অধিক বাহন মুকলি কৰা হ'ব বুলি মুখ্যমন্ত্ৰীগৰাকীয়ে লগতে কয় ।

লগতে পঢ়ক:মুখ্যমন্ত্ৰীৰ কনভয়লৈ শিলগুটি নিক্ষেপ দুৰ্বৃত্তৰ