নিউজ ডেস্ক, ১৩ জানুৱাৰী : কৰ সঞ্চয় বিনিয়োগ কৰাৰ এয়াই হৈছে উপযুক্ত সময় । আমি ২০২২-২৩ বিত্তীয় বৰ্ষৰ অন্তিম ত্ৰিমাসিকত (last quarter) আছোঁ । আপোনাৰ কৰৰ বোজা হ্ৰাস কৰিবলৈ বহুতো বিকল্প উপলব্ধ (options available to reduce tax burden) । সেইবোৰৰ ভিতৰত ইকুইটি লিংকড ছেভিংছ আঁচনিয়ে (Equity Linked Savings Schemes, ELSS) শ্বেয়াৰ বজাৰত লাভজনক বিনিয়োগ সক্ষম কৰি তোলে । ই বিত্তীয় লক্ষ্য অৰ্জনৰ সময়ত দীৰ্ঘম্যাদী বিনিয়োগৰ সন্মিলিত লাভালাভ প্ৰদান কৰে । আহক আমি কিছুমান কৰ সঞ্চয় আঁচনি (tax saving schemes) চাওঁ, যিয়ে আমাৰ বিত্তীয় পৰিকল্পনাবোৰ (financial plans) কাৰ্যকৰী কৰিব ।
বিত্তীয় পৰিকল্পনাৰ এটা গুৰুত্বপূৰ্ণ লক্ষ্য হৈছে কৰ সঞ্চয় (tax saving) । এইটো বিত্তীয় বৰ্ষৰ প্ৰথম মাহৰ পৰা আৰম্ভ হ'ব লাগে । অৱশ্যে বেছিভাগ লোকে কেৱল জানুৱাৰীৰ পিছত চতুৰ্থ আৰু অন্তিম তিনিমাহত ইয়াৰ বিষয়ে চিন্তা কৰে । এনে সময়ত খৰখেদাকৈ সিদ্ধান্ত লোৱা উচিত নহয় । যদিও সময় অতি সীমিত, আপুনি সঠিক আঁচনি বাছনি কৰিলে আপুনি যথেষ্ট কৰৰ লাভালাভ লাভ কৰিব পাৰে (right scheme for tax benefit) । ইয়াৰ বাবে এটা নিৰ্দিষ্ট আঁচনিয়ে আগবঢ়োৱা দীৰ্ঘম্যাদী লাভালাভৰ বিষয়ে সম্পূৰ্ণকৈ বুজাৰ প্ৰয়োজন ।
অন্যান্য আঁচনিৰ তুলনাত ELSS-এ বিভিন্ন ধৰণৰ সুবিধা প্ৰদান কৰে (ELSSs offer wide range of advantages) । সেইকাৰণে আঁচনিখনে বিনিয়োগকাৰীসকলৰ মনোযোগ বৃহৎভাৱে আকৰ্ষণ কৰি আছে । আয়কৰ আইনৰ ধাৰা 80 চিৰ অধীনত (Section 80C of Income Tax Act) ELSS-ত কৰা বিনিয়োগক কৰৰ পৰা ৰেহাই দিয়া হৈছে । ইয়াক প্ৰতি বছৰে 1,50,000 টকাৰ সীমাত ৰখা হয় । ইয়াৰ উপৰি ELSS-এ নিয়মীয়া মিউচুৱেল ফাণ্ড আঁচনিৰ (mutual fund schemes) দৰেও কাম কৰে ।
অৱশ্যে ইয়াত কিছুমান দিশ আছে, যিবোৰ বিবেচনা কৰা প্ৰয়োজন । ELSS-ৰ বিনিয়োগবোৰ কমেও তিনি বছৰৰ বাবে অব্যাহত ৰাখিব লাগিব আৰু কৰ ৰেহাই সীমিত পৰিমাণলৈকে উপলব্ধ । ELSS-ৰ বিকাশ, লভ্যাংশ আৰু লভ্যাংশ পুনৰ বিনিয়োগৰ বিকল্পও আছে । 3 বছৰৰ লক-ইন ম্যাদৰ (lock-in period) পিছত, ELSS সহজ লিকুইডিটিৰ বিকল্পৰ সৈতে মুক্তভাৱে সমাপ্ত হয় ।