পুলৱামা কাণ্ডৰ বিৰোধিতাৰে প্ৰবাসী ভাৰতীয়ৰ প্ৰতিবাদ

'পাকিস্তান মূৰ্দাবাদ' ধ্বনিৰে প্ৰতিবাদ প্ৰবাসী ভাৰতীয়ৰ।

নিউজ ডেস্ক, ২৩ ফেব্ৰুৱাৰী : পুলৱামা কাণ্ডৰ বিৰুদ্ধে আমেৰিকাস্থিত পাকিস্তানী দূতাবাসৰ সন্মূখত প্ৰতিবাদ প্ৰবাসী ভাৰতীয়ৰ। ১০০ জনতকৈও অধিক প্ৰতিবাদীয়ে শুকুৰবাৰে 'পাকিস্তান মূৰ্দাবাদ' ধ্বনি প্ৰদান কৰি সাব্যস্ত কৰে তীব্ৰ প্ৰতিবাদ।

শুকুৰবাৰে পুৱাই হাতে-হাতে ত্ৰিৰংগা পতাকা ,বেনাৰ -প্লে কাৰ্ড লৈ পাকিস্তান দূতাবাসৰ সন্মূখত উপস্থিত হয় প্ৰবাসী ভাৰতীয় লোক। '৯/১১ পাকিস্তান','২৬/১১ পাকিস্তান', 'পাকিস্তান হত্যাকাৰী', 'সন্ত্ৰাসবাদী ৰাষ্ট্ৰ পাকিস্তান' ইত্যাদি শ্ল'গানেৰে পৰিৱেশ উত্তাল কৰি তোলে প্ৰতিবাদকাৰীয়ে।

উল্লেখ্য যে, পুলৱামা কাণ্ডৰ পাচৰে পৰাই আমেৰিকা যুক্তৰাষ্ট্ৰৰ বিভিন্ন অঞ্চল পাকিস্তান বিৰোধী প্ৰতিবাদেৰে কঁপাই তুলিছে ভাৰতীয় সম্প্ৰদায়ৰ লোকে।