তামিলনাডু,8 মাৰ্চঃআজি আন্তৰ্জাতিক নাৰী দিৱস ৷ নাৰী দিৱসৰ লগত সংগতি ৰাখি দেশৰ ভিন্ন প্ৰান্তত অনুষ্ঠিত কৰা হৈছে বিভিন্ন অনুষ্ঠানৰ ৷ তামিলনাডুত নাৰী দিৱসৰ লগত সংগতি ৰাখি একাংশ মহিলাই কইম্বাটোৰৰ পৰা চালেমলৈ চলা উদয় এক্সপ্ৰেছত ভিন্ন বিভাগত কাম কৰি যথাৰ্থতে দিৱসটো উদযাপন কৰে ৷
দুগৰাকী মহিলাই চালকৰ ভূমিকা গ্ৰহণৰ পৰিৱৰ্তে অন্য মহিলাসকলে টিকট বিতৰককে ধৰি ভিন্ন ভূমিকা পালন কৰে ৷ বিভাগীয় কৰ্তৃপক্ষই চালকৰ আসনত বহা দুয়োগৰাকী মহিলাক ফুলৰ থোপাৰে চালেম ৰে’লৱে ষ্টেচনত সম্বৰ্ধনা জ্ঞাপন কৰে ৷ মহিলা চালক দুগৰাকীক উৎসাহ জনাবৰ বাবে ৰে’লৱে কৰ্তৃপক্ষই এই পদক্ষেপ গ্ৰহণ কৰে ৷ মহিলা দুগৰাকীৰ ভূমিকাত সন্তোষ প্ৰকাশ কৰে যাত্ৰীসকলে ৷
লগতে চাওকঃঅসম্পূৰ্ণ হৈ ৰ’ল টীম ইণ্ডিয়াৰ সপোন