প্ৰধানমন্ত্ৰীৰ মাতৃক সাক্ষাৎ কৰিলে ৰাষ্ট্ৰপতিয়ে

দেশৰ প্ৰধানমন্ত্ৰী নৰেন্দ্ৰ মোডীৰ মাতৃক সাক্ষাৎ কৰে দেশৰ ৰাষ্ট্ৰপতি ৰামনাথ কোবিন্দে ৷ দেওবাৰে ৰাতিপুৱা গান্ধীনগৰৰ সমীপৱৰ্তী নিজা বাসভৱনত প্ৰধানমন্ত্ৰীৰ মাতৃ হীৰাবেন মোডীক সাক্ষাৎ কৰে ৰাষ্ট্ৰপতিগৰাকীয়ে ৷

নিউজ ডেস্ক, 13 অক্টোবৰঃ দেশৰ প্ৰধানমন্ত্ৰী নৰেন্দ্ৰ মোডীৰ মাতৃৰ বাসগৃহত উপস্থিত হয় ৰাষ্ট্ৰপতি ৰামনাথ কোবিন্দ ৷ গুজৰাট ভ্ৰমণত থকা ৰাষ্ট্ৰপতি ৰামনাথ কোবিন্দে নিজৰ ভ্ৰমণৰ দ্বিতীয়টো দিনত দেওবাৰে ৰাতিপুৱা গান্ধীনগৰৰ সমীপৱৰ্তী নিজা বাসভৱনত প্ৰধানমন্ত্ৰীৰ মাতৃ হীৰাবেন মোডীক সাক্ষাৎ কৰে ৷

লগতে পঢ়কঃ ব্ৰেণ্ড ভেল্যু বৃদ্ধিৰে বিশ্বৰ সপ্তম স্থানত ভাৰত

ৰাষ্ট্ৰপতিৰ সৈতে এই ভ্ৰমণত সংগ দিয়ে তেওঁৰ পত্নী সবিতা কোবিন্দে ৷ প্ৰধানমন্ত্ৰীৰ মাতৃৰ সৈতে আধাঘন্টা সময় কটাই ৰাষ্ট্ৰপতি আৰু তেওঁৰ সহধৰ্মিনীয়ে ৷ প্ৰধানমন্ত্ৰী মোডীৰ মাতৃক সাক্ষাৎ কৰি তেওঁৰ কুশল-বাৰ্তা লয় ৰাষ্ট্ৰপতি আৰু তেওঁৰ পত্নীয়ে ৷ হীৰাবেন মোডীৰ আশীৰ্বাদ লোৱাৰ লগতে তেওঁৰ সুস্বাস্থ্য কামনা কৰি তাৰ পৰা বিদায় লয় ৰাষ্ট্ৰপতি ৰামনাথ কোবিন্দ আৰু তেওঁৰ পত্নী সবিতা কোবিন্দে ৷

প্ৰধানমন্ত্ৰীৰ মাতৃক সাক্ষাতৰ পিচতেই কোবাস্থিত মহাবীৰ জৈন আৰাধনা কেন্দ্ৰত উপস্থিত হয় ৰাষ্ট্ৰপতিগৰাকী ৷ কেন্দ্ৰটোত আচাৰ্য শ্ৰী পদ্মাসাগৰসুৰিজৰ আশীৰ্বাদ গ্ৰহণ কৰে ৰাষ্ট্ৰপতি আৰু তেওঁৰ পত্নীয়ে ৷ ৰাষ্ট্ৰপতিগৰাকীক আদৰিবলৈ উক্ত স্থানত উপস্থিত থাকে গুজৰাটৰ মুখ্যমন্ত্ৰী বিজয় ৰূপানী ৷

লগতে পঢ়কঃ

প্ৰধানমন্ত্ৰীৰ মাতৃক সাক্ষাতৰ পিচতেই ৰাষ্ট্ৰপতি ভৱনৰ কাৰ্যালয়ৰ পৰা এটা টুইট কৰে ৰাষ্ট্ৰপতিয়ে ৷ টুইটযোগে প্ৰধানমন্ত্ৰী নৰেন্দ্ৰ মোডীৰ মাতৃক সাক্ষাতৰ কথা উল্লেখ কৰে ৰাষ্ট্ৰপতিগৰাকীয়ে ৷