মুম্বাই আৰু গুজৰাটৰ দিশে আগবাঢ়িছে নিসৰ্গঃ শেহতীয়া তথ্য

মহাৰাষ্ট্ৰত সম্ভাৱনীয় বিপদৰ আশংকাত মোতায়েন কৰা হৈছে 30টাতকৈ অধিক এন.ডি.আৰ.এফ বাহিনীৰ কোম্পানী ৷

নিউজ ডেস্ক,3 জুনঃ COVID-19ৰ বিপৰ্যয়ৰ মাজতে ভাৰতৰ বতৰ বিজ্ঞান বিভাগে (IMD) দিছে নিসৰ্গৰ আগজাননী ৷ জনাইছে 100তকৈ বেছি বছৰৰ পিছত মুম্বাইত হ'ব ঘূৰ্ণী বতাহৰ তাণ্ডৱ ৷ মহাৰাষ্ট্ৰৰ ৰায়গড় জিলাৰ আলিবাগত পুৱা 5.30 বজাৰ পৰা নিসৰ্গ ঘূৰ্ণী বতাহ তীব্ৰতৰ হোৱাৰ পূৰ্ণ সম্ভাৱনা ৷ বৰ্তমান উত্তৰ পূব দিশে আগুৱাই গৈ থকা নিসৰ্গই দুপৰীয়াৰ পিছত উত্তৰ মহাৰাষ্ট্ৰ আৰু দক্ষিণ গুজৰাটৰ দিশে আগুৱাই যাব ৷

নিসৰ্গ ঘূৰ্ণী বতাহ

সামগ্ৰিক পৰিস্থিতিলৈ লক্ষ্য কৰি নিসৰ্গৰ সৈতে যুঁজ দিবৰ বাবে মহাৰাষ্ট্ৰৰ বিভিন্ন স্থানত আৱশ্যক সামগ্ৰীৰ সৈতে 93 টা লাইফ গাৰ্ড, উদ্ধাৰকাৰী নাও, Jet key আৰু অগ্নি নিৰ্বাপন বাহিনীৰ পৰা 150 গৰাকী বান উদ্ধাৰকাৰী কৰ্মী সাজু কৰা হৈছে ৷