উদ্ভাৱক আমল যাদৱক সাক্ষাৎ প্ৰধানমন্ত্ৰী মোডীৰ

প্ৰধানমন্ত্ৰী নৰেন্দ্ৰ মোডীৰ উদ্ভাৱক আমল যাদৱক ডাঙৰ সপোন দেখি যাবলৈ অনুৰোধ

নেশ্যনেল ডেস্ক, 21 অক্টোবৰ: দেওবাৰে প্ৰধানমন্ত্ৰী নৰেন্দ্ৰ মোডীয়ে সাক্ষাৎ কৰে উদ্ভাৱক আমল যাদৱক ৷ প্ৰধানমন্ত্ৰী কাৰ্যালয়ে সোমবাৰে এই কথা ঘোষণা কৰে ৷ আমল যাদৱে 6 জন লোক বহিব পৰা এখন বিমান নিজ প্ৰচেষ্টাৰে সাজি উলিয়াইছিল ৷ প্ৰধানমন্ত্ৰী কাৰ্যালয়ে সোমবাৰে টুইট যোগে এই কথা প্ৰকাশ কৰে ৷

2016 চনত চৰকাৰৰ 'Make in India'ৰ এক অনুষ্ঠানত কেপ্টেইন যাদৱে তেওঁৰ বিমানখনৰ এটা আৰ্হি প্ৰদৰ্শন কৰিছিল ৷ যাদৱে জানিবলৈ দিয়ে যে বিগত 19 বছৰ ধৰি তেওঁ এই বিমান নিৰ্মাণৰ কামত লাগি আছিল ৷ নিজৰ ঘৰৰ চাদৰ ওপৰতে এই বিমান সাজি উলিয়াইছিল যাদৱে ৷

যাদৱে নিজৰ সন্মুখলৈ অহা প্ৰত্যাহ্বামৰ কথা উল্লেখ কৰি কয় যে প্ৰথমে তেওঁ DGCAৰ ফালৰ পৰা যাৱতীয় অনুমতি পোৱা নাছিল যদিও পৰৱৰ্তী সময়ত মহাৰাষ্ট্ৰৰ মুখ্যমন্ত্ৰী দেৱেন্দ্ৰ ফাড়নৱিছে সমগ্ৰ বিষয়টো প্ৰধানমন্ত্ৰীৰ দৃষ্টিগোচৰ কৰাত DGCA য়ে তেওঁক বিমানখন নিৰ্মাণৰ অনুমতি প্ৰদান কৰে ৷