হাৰিয়ানাত মাতৃৰ সন্মুখৰ পৰাই অপহৰণ যুৱতীক

শুকুৰবাৰে হাৰিয়ানাৰ ঝাজ্জৰ জিলাত মাতৃৰ চকুৰ সন্মুখৰ পৰা অপহৰণ কৰি নিয়ে যুৱতীক । অপহৰণকাণ্ডৰ সমগ্ৰ দৃশ্য বন্দী চিচিটিভি কেমাৰাত ।

নিউজ ডেস্ক, ১৩ জুনঃ হাৰিয়ানাৰ ঝাজ্জৰ জিলাত দিন-দুপৰতে সংঘটিত আচৰ্যজনক ঘটনা । শুকুৰবাৰে মাতৃৰ চকুৰ সন্মুখৰ পৰাই অপৰহৰণ কৰি লৈ যায় এগৰাকী যুৱতীক ।

ঘটনা অনুসৰি, যুৱতী গৰাকীয়ে শুকুৰবাৰে ছিলাইৰ প্ৰশিক্ষণ লৈ ছিলাই চেণ্টাৰৰ পৰা মাতৃৰ লগত ঘৰ অভিমুখে গৈ থকা অৱস্থাত সংঘটিত হয় এই ঘটনা । নিজ কন্যাক বচাবলৈ মাতৃয়ে আপ্ৰাণ চেষ্টা কৰে যদিও বিফল হয় ।

অপহৰণকাণ্ড সংঘটিত হোৱা ঘটনাস্থলীত উপস্থিত থকা এগৰাকী বৃদ্ধ লোকেও যুৱতী গৰাকীক বচাবলৈ চেষ্টা কৰে যদিও বিফল হয় । আনহাতে, অপহৰণকাণ্ডৰ সমগ্ৰ দৃশ্য বন্দী হয় চিচিটিভি কেমেৰাত । ইতিমধ্যে ঘটনা সন্দৰ্ভত তদন্ত আৰম্ভ কৰিছে আৰক্ষীয়ে ।