কৰ্তব্যৰত চিকিৎসকক আক্ৰমণ কৰিলে হ'ব 7 বছৰৰ সশ্ৰম কাৰাদণ্ড

দেশত সম্প্ৰতিক বৃদ্ধি পোৱা চিকিৎসক আক্ৰমণৰ ঘটনাৰ বিৰুদ্ধে প্ৰস্তুত হ'ব আইন,7 বছৰৰ সশ্ৰম কাৰাদণ্ডৰ লগতে থাকিব জামিনবিহীন গোচৰ

নতুন দিল্লী,30 জুলাইঃ দেশত সম্প্ৰতিক বৃদ্ধি পোৱা চিকিৎসক আক্ৰমণৰ ঘটনাৰ বিৰুদ্ধে কঠোৰ হ'ব চৰকাৰ তথা প্ৰশাসন ৷ ভাৰতীয় চিকিৎসক সন্থাৰ সাধাৰণ সম্পাদক ডাঃ আৰ.ভি অশোকানে জানিবলৈ দিয়া মতে কেন্দ্ৰীয় স্বাস্থ্য মন্ত্ৰণালয়লৈ ইতিমধ্যেই আইনৰ খচৰা প্ৰেৰণ কৰা হৈছে বুলি জানিবলৈ দিয়ে ৷ এই খচৰাৰ অধীনত 22 খন আইন থাকিব ৷ ইয়াৰোপৰি চিকিৎসক আক্ৰমণকাৰীৰ বিৰুদ্ধে জামিনবিহীন গোচৰৰ লগতে থাকিব 7 বছৰৰ সশ্ৰম কাৰাদণ্ড ৷ অতি শীঘ্ৰে এই আইন প্ৰস্তুত কৰিবলৈ তৎপৰ হৈছে কেন্দ্ৰীয় চৰকাৰ ৷